ଭାରତକୁ ଧମକ ଦେଲା ବାଂଲାଦେଶ, କହିଲା ବଡ଼ ଭାଇ ହେବାକୁ ଚେଷ୍ଟା କରନାହିିଁ, ନହେଲେ…

ଢାକା,୧୮।୨: ବାଂଲାଦେଶରେ ପ୍ରଧାନମନ୍ତ୍ରୀ ଶେଖ ହାସିନାଙ୍କ କ୍ଷମତାର ପତନ ପରେ ଭାରତ ଏବଂ ବାଂଲାଦେଶ ମଧ୍ୟରେ ସମ୍ପର୍କରେ ବହୁତ ଉତ୍ତେଜନା ଦେଖାଦେଇଛି ଏବଂ ପରିସ୍ଥିତି ନିରନ୍ତର ଖରାପ ହେବାରେ ଲାଗିଛି। ବର୍ତ୍ତମାନ, ବାଂଲାଦେଶ ଗଠନ ହେବା ପରଠାରୁ ଭାରତର ଯେଉଁ ଦେଶ ସହିତ ବହୁତ ଭଲ ସମ୍ପର୍କ ଥିଲା, ଏବେ ସେହି ଦେଶ ସହିତ ମଧ୍ୟ ମତଭେଦ ଆରମ୍ଭ ହୋଇଛି। ମହମ୍ମଦ ୟୁନୁସ୍‌ଙ୍କ ନେତୃତ୍ୱାଧୀନ ବାଂଲାଦେଶର ମଧ୍ୟବର୍ତ୍ତୀକାଳୀନ ସରକାର ପାକିସ୍ତାନ ଏବଂ ଚାଇନା ଆଡ଼କୁ କ୍ରମଶଃ ଢଳୁଥିବା ଦେଖାଯାଉଛି। ଯାହା ଭାରତ ପାଇଁ ଏକ ପ୍ରମୁଖ ରଣନୈତିକ ଚିନ୍ତାର ବିଷୟ ପାଲଟିଛି।

ପୂର୍ବତନ ବାଂଲାଦେଶ ପ୍ରଧାନମନ୍ତ୍ରୀ ଖାଲିଦା ଜିଆଙ୍କ ଦଳ ବାଂଲାଦେଶ ନ୍ୟାସନାଲ ପାର୍ଟି (BNP)ର ସାଧାରଣ ସମ୍ପାଦକ ମିର୍ଜା ଫଖରୁଲ ଇସଲାମ ଆଲମଗିର ସୋମବାର (ଫେବୃଆରୀ ୧୭)ରେ କହିଛନ୍ତି ଯେ ଯଦି ଭାରତ ବାଂଲାଦେଶ ସହିତ ସମ୍ପର୍କ ଉନ୍ନତ କରିବାକୁ ଚାହୁଁଛି, ତେବେ ଏହାକୁ ତିନୋଟି ସର୍ତ୍ତରେ ରାଜି ହେବାକୁ ପଡିବ।

ମିର୍ଜା ଫଖରୁଲ ଇସଲାମ ଲାଲମୋନିରହାଟରେ ଏକ ସମାବେଶକୁ ସମ୍ବୋଧିତ କରି କହିଛନ୍ତ, ଆମେ ଭାରତକୁ ସ୍ପଷ୍ଟ କରିବାକୁ ଚାହୁଁଛୁ ଯେ ଯଦି ବାଂଲାଦେଶର ଲୋକଙ୍କ ସହିତ ସମ୍ପର୍କ ବଜାୟ ରଖିବାକୁ ଚାହୁଁଛ, ତେବେ ଭାରତକୁ ତିସ୍ତା ନଦୀ ଜଳରେ ଆମର ପୂର୍ଣ୍ଣ ଅଂଶ ଆମକୁ ଦେବାକୁ ପଡିବ। ସେମାନେ ସୀମାରେ ଆମ ଲୋକଙ୍କ ଉପରେ ଗୁଳି ଚଳାଇବା ବନ୍ଦ କରିବା ଉଚିତ ଏବଂ ଆମ ପ୍ରତି ସେମାନଙ୍କର ବଡ଼ ଭାଇ ମନୋଭାବ ପରିତ୍ୟାଗ କରିବା ଉଚିତ୍‌।