ଦୁବାଇ, ୨୫।୬(ପି.ଟି.)- କରୋନା ଭାଇରସ ସଂକ୍ରମଣକୁ ଦୃଷ୍ଟିରେ ରଖି ବାଂଲାଦେଶ କ୍ରିକେଟ ଦଳର ଶ୍ରୀଲଙ୍କା ଗସ୍ତକୁ ସ୍ଥଗିତ ରଖା ଯାଇଛି। ଅନ୍ତର୍ଜାତୀୟ କ୍ରିକେଟ କାଉନସିଲ(ଆଇସିସି) ପକ୍ଷରୁ ଟୁଇଟର ଯୋଗେ ଏହା ଜଣାଇ ଦିଆ ଯାଇଛି। ଆସନ୍ତା ମାସରେ ଶ୍ରୀଲଙ୍କା ଗସ୍ତ କରି ବାଂଲାଦେଶ ୩ ମ୍ୟାଚ ବିଶିଷ୍ଟ ଟେଷ୍ଟ ସିରିଜ ଖେଳିବା କାର୍ଯ୍ୟକ୍ରମ ରହିଥିଲା। ତେବେ ଖେଳାଳିମାନଙ୍କ ଅଭ୍ୟସା ଅଭାବରୁ ବାଂଲାଦେଶ ଏହି ସିରିଜରୁ ଓହରି ଯାଇଛି ବୋଲି ଶ୍ରୀଲଙ୍କା କ୍ରିକେଟ ପକ୍ଷରୁ ଏକ ବିବୃତ୍ତିରେ ପ୍ରକାଶ କରାଯାଇଛି। ଗତ ସପ୍ତାହରେ ବାଂଲାଦେଶର ପୂର୍ବତନ ଅଧିନାୟକ ମାଶ୍ରାଫି ମୋର୍ତାଜା, ନଜମୁଲ ଇସଲାମ ଓ ନଫିସ ଇକବାଲ କରୋନ ଭାଇରସରେ ସଂକ୍ରମିତ ହୋଇଥିବା ଜଣା ପଡ଼ିଥିଲା।
