କୋଲକାତା,୨୩।୧୧ : ଦେଶରେ ସିଏଏ ଲାଗୁ ହେବା ନେଇ ଚର୍ଚ୍ଚା ମଧ୍ୟରେ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ ବୁଧବାର ଭାଜପା ଏବଂ କେନ୍ଦ୍ର ସରକାରଙ୍କୁ ଟାର୍ଗେଟ କରି କହିଛନ୍ତି ଯେ ବାଂଲାଦେଶରୁ ଆସିଥିବା ଶରଣାର୍ଥୀମାନେ ଭାରତର ନାଗରିକ। ସିଏଏ ନାମରେ ଲୋକଙ୍କୁ ବିଭ୍ରାନ୍ତ କରାଯାଉଛି।
ତେଣୁ ଏଥିପ୍ରତି ସତର୍କ ରହିବାକୁ ମମତା କୋଲକାତାର ନେତାଜୀ ଇନଡୋର ଷ୍ଟାଡିୟମରେ ରାଜ୍ୟ ସରକାର ଶରଣାର୍ଥୀଙ୍କ ମଧ୍ୟରେ ଜମି ଲିଜ ବଣ୍ଟନ କାର୍ଯ୍ୟକ୍ରମରେ ଯୋଗ ଦେଇ ପରାମର୍ଶ ଦେଇଛନ୍ତି। ମମତା କହିଛନ୍ତି ଯେ ସବୁକିଛି ହରାଇବା ପରେ ବାଂଲାଦେଶରୁ ଏତେ ସଂଖ୍ୟକ ଲୋକ ଏଠାକୁ ଆସିଛନ୍ତି। ଯେଉଁମାନେ ମାର୍ଚ୍ଚ ୧୯୭୧ ପର୍ଯ୍ୟନ୍ତ ଆସିଥିଲେ ସେମାନେ ଆଇନଗତ ଭାବରେ ଭାରତର ନାଗରିକ ଅଟନ୍ତି। ନାଗରିକ ହେବା ପରେ ତାଙ୍କୁ ଜଣେ ଭାରତୀୟ ନାଗରିକ ମାନ୍ୟତା ଦିଆଯିବ ବୋଲି ସେ କହିଛନ୍ତି।
ସେମାନଙ୍କର ନାମ ଭୋଟର ତାଲିକାରେ ପଞ୍ଜିକୃତ ହୋଇଛି। ଏହା ସହିତ ସେମାନଙ୍କ ପାଖରେ ଆଧାର ଏବଂ ରାଶନ କାର୍ଡ ମଧ୍ୟ ରହିଥିବା ମମତା କହିଛନ୍ତି। ସେମାନେ ବର୍ଷ ବର୍ଷ ଧରି ଭୋଟ ଦେଉଛନ୍ତି। ଭାରତର ନାଗରିକ ବୋଲି ସେମାନେ ଏହା କରିପାରୁଛନ୍ତି ବୋଲି ମମତା କହିଛନ୍ତି।