Categories: ଜାତୀୟ

ବର୍ବର ତାଲିବାନ୍‌, ବିବ୍ରତ ଆଫଗାନ୍‌

କାବୁଲ/ଓ୍ବାଶିଂଟନ/ ନୂଆଦିଲ୍ଲୀ,୨୧।୮: ଅଗଷ୍ଟ ୧୫ରେ କାବୁଲ ଦଖଲ ପରଠାରୁ ତାଲିବାନ୍‌ ଆଫଗାନ୍‌ ଜାତୀୟ ପତାକାକୁ ଅଚଳ କରିଦେଇଛି। ହେଲେ ୧ଫ ତାରିଖରେ ୧୦୨ତମ ସ୍ବାଧୀନତା ଦିବସ ପାଳନ ସd ପ୍ରଦେଶରେ ଲୋକେ ରାସ୍ତାକୁ ଓହ୍ଲାଇ ରାଷ୍ଟ୍ରୀୟ ଧ୍ୱଜା ଉଡ଼ାଇବା ସ ଖୋଲା ଚ୍ୟାଲେଞ୍ଜ ଦେଉଛନ୍ତି। ଗୋଟିଏ ପଟେ ଆତଙ୍କବାଦୀମାନେ ନିଜ ଗ୍ରହଣୀୟତା ବଢ଼ାଇବା ଉଦ୍ଦେଶ୍ୟରେ ଏ ତଥା ନରମ ରୂପ ଦେଖାଇବାକୁ ଉଦ୍ୟମ କରୁଛନ୍ତି। ଅନ୍ୟପଟେ ଜାତୀୟତାବାଦୀ ଆନ୍ଦୋଳନରେ ଝାସ ଦେଉଥିବା ଆଫଗାନଙ୍କ ଉପରେ ଏହାର ଗୁଳି ବର୍ଷା ତାଲିବାନର ଅଢ଼େଇ ଦଶନ୍ଧି ତ ବର୍ବର ଚେହେରାକୁ ସାମ୍ନାକୁ ଆଣୁଛି। ତେବେ ହିଂସାମତ୍କ ଉପାୟରେ ଜ।। ଦମନ କରିବା ଅପଚେଷ୍ଟାର ପରିଣତି କ’ଣ ହେବ ତାହା ସମୟ କହିବ। ବିଦ୍ରୋହ ବଢ଼ୁଥିବା ଦେଖି ତାଲିବାନ ଏବେ କହିବା ଆରମ୍ଭ କରିଛି, ଆଫଗାନିସ୍ତାନର ଜାତୀୟ ପତାକା ଆଗକୁ ରହିବ କ ନାହିଁ ତାହା ପରବର୍ତ୍ତୀ ସରକାର ଗଠନ ପରେ ହ ସ୍ଥିର କରାଯିବ।
ଇତିମଧ୍ୟରେ ଏ ୟୁନିଟି ଗଭର୍ନମେଣ୍ଟ ଗଠନ ପାଇଁ ଉଦ୍ୟମ ଆରମ୍ଭ ହୋଇଥିଲେ ମଧ୍ୟ ରାଷ୍ଟ୍ରପତି କିଏ ହେବେ ତାକୁ ନେଇ ଆତଙ୍କବାଦୀ ସଙ୍ଗଠନରେ ଅନ୍ତର୍ଦ୍ୱନ୍ଦ୍ୱ ଆରମ୍ଭ ହୋଇଯାଇଛି। ଗୋଟିଏ ଗୋଷ୍ଠୀ ସଦ୍ୟ କାତାର ଫେରନ୍ତା ତାଲିବାନ ସହପ୍ରତିଷ୍ଠାତା ମୁଲ୍ଲା ଅବ୍‌ଦୁଲ ଗନି ବରାଦରଙ୍କୁ ଇସ୍‌ଲାମିକ୍‌ ଏମିରେଟ୍ସ ଅଫ୍‌ ଆଫଗାନିସ୍ତାନର ରାଷ୍ଟ୍ରମୁଖ୍ୟ ଭାବେ ଦେଖିବାକୁ ଚାହୁଁଥିବାବେଳେ ଅନ୍ୟ ଏକ ଗୋଷ୍ଠୀ ସଙ୍ଗଠନର ତୃତୀୟ ସୁପ୍ରିମ କମାଣ୍ଡର ହିବାତୁଲ୍ଲା ଅଖୁନ୍ଦଜାଦା ରାଷ୍ଟ୍ରପତି ହୁଅନ୍ତୁ ବୋଲି ମତ ଦେଉଛନ୍ତି। ଆଗରୁ କଳେ ବଳେ କୌଶଳେ ରାଷ୍ଟ୍ରପତି ଅଶ୍ରଫ୍‌ ଗନିଙ୍କ ସିଭିଲିଆନ୍‌ ସରକାରଙ୍କୁ ଗାଦିଚ୍ୟୁଚ କରିବା ତାଲିବାନର ଲକ୍ଷ୍ୟ ଥିଲା। ଲକ୍ଷ୍ୟ ପୂରଣ ହେବା ପରେ ଏବେ ସଙ୍ଗଠନ ଭିତରେ ‘ନାନା ଗୋଷ୍ଠୀଙ୍କ ନାନା ମତ’ ସାମ୍ନାକୁ ଆସିବାରେ ଲାଗିଛି। ଆଫଗାନ୍‌ ଜାତୀୟତାବାଦ ଦାନା ବାନ୍ଧୁଥିବାବେଳେ ସବୁ ବର୍ଗର ଲୋକଙ୍କୁ ନେଇ ଏକତା ସରକାର ଗଠନ ତାଲିବାନ ପାଇଁ ବଡ଼ ଚ୍ୟାଲେଞ୍ଜ ଭାବେ ଉଭା ହୋଇଛି। ତେବେ ତାଲିବାନ୍‌ ଆସନ୍ତା ୩୧ ତାରିଖ ପର୍ଯ୍ୟନ୍ତ କୌଣସି ନିଷ୍ପତ୍ତି ନେବ ନାହିଁ କି କିଛି ଘୋଷଣା କରିବ ନାହିଁ। ଆତଙ୍କବାଦୀ ସଙ୍ଗଠନ ପକ୍ଷରୁ ଏପରି କୌଣସି ଯୋଜନା କରାଯାଇ ନ ଥିବା ଜଣେ ଆଫଗାନ ଅଧିକାରୀ ସୂଚନା ଦେଇଛନ୍ତି। ଆମେରିକାର ସୈନ୍ୟ ପ୍ରତ୍ୟାହାର ଅଗଷ୍ଟ ୩୧ରେ ଶେଷ ହେବାକୁ ଥିବାରୁ ଏହି ତାରିଖକୁ ତାଲିବାନ୍‌ ଅପେକ୍ଷା କରିବ। ଆମେରିକା ସହ ହୋଇଥିବା ଚୁକ୍ତି ଅନୁସାରେ ସମ୍ପୂର୍ଣ୍ଣ ସୈନ୍ୟ ପ୍ରତ୍ୟାହାର ନ ହେବା ପର୍ଯ୍ୟନ୍ତ ତାଲିବାନ୍‌ ପକ୍ଷରୁ କୌଣସି ପଦକ୍ଷେପ ନିଆଯିବ ନାହିଁ ବୋଲି ହକ୍କାନି ନେଟ୍‌ଓ୍ବର୍କ ନେତା ଅନସ୍‌ ହକ୍କାନି ପୂର୍ବତନ ସରକାରର ବାର୍ତ୍ତାକାରମାନଙ୍କୁ କହିଛନ୍ତି।
ଅନ୍ୟପକ୍ଷେ ତାଲିବାନ୍‌ ଆତଙ୍କବାଦୀଙ୍କ ବିରୋଧରେ ଅମରୁଲ୍ଲା ସାଲେହଙ୍କ ନେତୃତ୍ୱରେ ଲଢ଼େଇ ଜାରି ରଖିଛି ପଞ୍ଜଶିର ଉପତ୍ୟକା। ରାଜଧାନୀ କାବୁଲର ଉତ୍ତରରେ ଥିବା ଏହି ଅଭେଦ୍ୟ ଦୁର୍ଗରେ ପୂର୍ବରୁ ମଧ୍ୟ ଅନେକ ଥର ତାଲିବାନ୍‌ ବିରୋଧୀ ଆନ୍ଦୋଳନ ମୁଣ୍ଡ ଟେକିଥିଲା। ବର୍ତ୍ତମାନର ଘଟଣାକ୍ରମ ପରେ ଇସ୍‌ଲାମିକ୍‌ କଠୋରପନ୍ଥୀମାନେ ମଜଭୁତ ସହ ଆକ୍ରମଣ କଲେ ପଞ୍ଜଶିର ଯୋଦ୍ଧାଙ୍କ ପାଇଁ ଅଡ଼ୁଆ ସ୍ଥିତି ସୃଷ୍ଟି ହୋଇପାରେ ବୋଲି ବିଶେଷଜ୍ଞମାନେ ମତ ଦେଇଛନ୍ତି। ବର୍ତ୍ତମାନ ଦେଶର ୩୪ ପ୍ରଦେଶ ମଧ୍ୟରୁ କେବଳ ପଞ୍ଜଶିରକୁ ବାଦ୍‌ ଦେଲେ ଅବଶିଷ୍ଟ ଅଞ୍ଚଳ ତାଲିବାନ ଦଖଲରେ ରହିଛି। ତାଲିବାନ୍‌ ପଞ୍ଜଶିରକୁ ପ୍ରବେଶ ଉଦ୍ୟମ କରି ନ ଥିବାରୁ ବିରୋଧୀଙ୍କ ସଂଗ୍ରାମ କେବଳ ମୌଖିକ ସ୍ତରରେ ରହିଛି ବୋଲି ପ୍ୟାରିସ୍‌ସ୍ଥିତ ସୋର୍ବୋନ୍ନେ ୟୁନିଭର୍ସିଟିର ଆଫଗାନ ବିଶେଷଜ୍ଞ ଗିଲେସ୍‌ ଡୋରୋନ୍‌ସୋରୋ କହିଛନ୍ତି।

Share