ବାର୍ବି ଡ଼ଲ୍ର କ୍ରେଜ୍ ନା କେବଳ ପିଲା ବରଂ ବଡ଼ମାନଙ୍କଠାରେ ବି ଦେଖିବାକୁ ମିଳେ। ଏବେ ତ ବାର୍ବି ଡ଼ଲକୁ ନେଇ ଏକ ହଲିଉଡ଼ ଚଳଚ୍ଚିତ୍ର ବି ରିଲିଜ ହୋଇଛି। ଯାହାର କ୍ରେଜ୍ ସାରା ପୃଥିବୀରେ ଦେଖିବାକୁ ମିଳୁଛି। ଫଳରେ ଲୋକେ ବାର୍ବି ପାଇଁ ଏତେ ପାଗଳ ହୋଇଯାଇଛନ୍ତି ଯେ, ମୃତ୍ୟୁ ପରର ଯାତ୍ରା ବି ବାର୍ବି ସହ କରିବାକୁ ଚାହୁଁଛନ୍ତି। ତେଣୁ ଅନେକେ ଗୋଲାପୀ ରଙ୍ଗର ବାର୍ବି ଥିମ୍ କଫିନ୍ କିଣିବା ଆରମ୍ଭ କରି ଦେଇଛନ୍ତି। ଆଉ ଏହାର ଚାହିଦା ଏତେ ବଢି ଯାଇଛି ଯେ, କଫିନ୍ର ବିକ୍ରି ଜୋର୍ ଧରିଛି। ଖାସ୍କରି ମେକ୍ସିକୋ, ଅଲ ସାଲ୍ଭାଡୋର ଓ ପୁରା ଲାଟିନ୍ ଆମେରିକାରେ ପିଙ୍କ କଲର୍ ବାର୍ବି ଥିମ୍ କଫିନ୍ର କ୍ରେଜ୍ ଦେଖିବାକୁ ମିଳୁଛି। ଆଉ ଏହା ଦେଖି କଫିନ୍ରେ ୩୦ ପ୍ରତିଶତ ଡିସ୍କାଉଣ୍ଟ ବି ଦିଆଯାଉଛି। ଲୋକେ ନିଜର ଶେଷଯାତ୍ରାକୁ ବାର୍ବି ଦୁନିଆ ପରି ରଙ୍ଗିନ ଓ ସୁନ୍ଦର କରିବାକୁ ଚାହୁଁଥିବାରୁ ଏହି କଫିନ୍ର ଚାହିଦା ବଢୁଛି ବୋଲି କୁହାଯାଉଛି।