ବରେଲି,୨୧।୮: ଉତ୍ତର ପ୍ରଦେଶର ବରେଲି ଏକ ଅମାନବୀୟ ଘଟଣା ଘଟିଛି। ମା ପ୍ରେମିକଙ୍କ ସହ ମିଶି ତାଙ୍କ ଝିଅକୁ ହତ୍ୟା କରିଛନ୍ତି। ଏହି ମାମଲା କରେଲିର ସୁଭାଷ ନଗର ଅଞ୍ଚଳରେ ଘଟିଛି। ବୁଧବାର ରାତିରେ ଘଟିଥିବା ଏହି ହତ୍ୟା ମାମଲାରେ ପୋଲିସ ମା ଏବଂ ତାଙ୍କ ପ୍ରେମିକଙ୍କୁ ଗିରଫ କରିଛି।
ସୂଚନାଯୋଗ୍ୟ, ସୁଭାଷ ନାଗର ନିବାସୀ ଅବଦୁଲ ମାତିମ ପୋଲିସକୁ ସୂଚନା ଦେଇଥିଲେ ଯେ ତାଙ୍କ ଝିଇ ଉସମାଙ୍କୁ ରାତି ତିନିଟା ବେଳେ ଅଜଣା ବ୍ୟକ୍ତିମାନେ ତଣ୍ଟିଚିପି ହତ୍ୟା କରିଛନ୍ତି ଏବଂ ତାଙ୍କ ସ୍ତ୍ରୀ ମୁକିସ ବାନୋଙ୍କୁ ଏକ ତୀକ୍ଷ୍ଣ ଅସ୍ତ୍ରରେ ଆଘାତ କରିଛନ୍ତି। ଏହି ସୂଚନା ଉପରେ ସୁଭାଷ ନଗର ପୋଲିସ ଷ୍ଟେସନ ଅଜଣା ଲୋକଙ୍କ ବିରୋଧରେ ମାମଲା ରୁଜୁ କରିଥିଲା। ଘଟଣାର ଅନୁସନ୍ଧାନ ପାଇଁ ବରେଲି ଏସଏସପି ଶୈଲେଶ କୁମାର ପାଣ୍ଡେ ଏକ ଟିମ୍ ଗଠନ କରିଥିଲେ। ତାଙ୍କ ନିର୍ଦ୍ଦେଶରେ ଏହି ହତ୍ୟାକାଣ୍ଡର ଅଭିଯୁକ୍ତଙ୍କୁ ମାତ୍ର ତିନି ଘଣ୍ଟା ମଧ୍ୟରେ ଗିରଫ କରାଯାଇଥିଲା। ହତ୍ୟା ମାମଲାରେ ମୃତକଙ୍କ ମା ମୁକିସ ବାନୋ ଏବଂ ତାଙ୍କ ପ୍ରେମିକ କୌଶରଙ୍କୁ ପୋଲିସ ଗିରଫ କରିଛି।
ପ୍ରେମିକ କୌଶର ସ୍ବୀକାର କରି କହିଛନ୍ତି ଯେ ସେ ଉସମାଙ୍କୁ ତାଙ୍କ ମା ମୁକିସଙ୍କ ସହ ମିଶି ହତ୍ୟା କରିଛନ୍ତି। ଅଭିଯୁକ୍ତ କହିଛନ୍ତି ମୁକିସ ଙ୍କ ସହ ମୋର ପ୍ରେମ ସମ୍ପର୍କ ଅଛି। କିଛି ଦିନ ପୂର୍ବେ ମୃତ ଉସମାଙ୍କ ସହ ତାଙ୍କର ଅନେତିକ ସମ୍ପର୍କ ଥିଲା, ଯାହା ମୋ ସ୍ତ୍ରୀ ମଧ୍ୟ ଜାଣିଥିଲେ। ପୋଲିସର ସୂଚନାନୁସାରେ, ପ୍ରେମୀ କୌଶର ବିବାହିତ ଏବଂ ତାଙ୍କର ତିନୋଟି ସନ୍ତାନ ଅଛନ୍ତି। ଉସମା କୌଶରଙ୍କୁ ବିବାହ କରିବାକୁ ଚାପ ପକାଉଥିଲେ କିନ୍ତୁ ସେ ତାଙ୍କୁ ବିବାହ କରିବାକୁ ଚାହୁଁ ନ ଥିଲେ। ଏହା ପରେ କୌଶର ଉସମାଙ୍କ ମା ମୁକିଶ ବାନୋଙ୍କ ସହ ମିଶି ଉସମାଙ୍କୁ ଗଳା କାଟି ହତ୍ୟା କରିଥିଲେ। କେହି କାଳେ ସନ୍ଦେହ କରିବ ସେଥିପାଇଁ ଉସମାଙ୍କ ମା ମୁକିସଙ୍କ ବେକକୁ ଛୁରୀରେ କାଟି ବାମ ହାତର ଏକ ଛୋଟ ଆଙ୍ଗୁଠିରେ ଆଘାତ ମଧ୍ୟ ଦେଇଥିଲେ।
