ବରଗଡ଼ ଅଫିସ,୧୧।୯: ଭାରତୀୟସ୍ତରରେ ଅନୁଷ୍ଠିତ ହୋଇଥିବା ଏଆଇଟିଟି ପରୀକ୍ଷା ଆଇଟି ସେକ୍ଟରରେ ବରଗଡ଼ ସରକାରୀ ପଳିଟେକ୍ନିକ କଲେଜର ଛାତ୍ର ପିତେଶ୍ୱର ବାରିକ ସର୍ବଭାରତରେ ଟପ୍ପର ହୋଇଛନ୍ତି । ଏହି ସଫଳତାରେ ପରିବାର ଲୋକଙ୍କ ସମେତ ଗ୍ରାମବାସୀ ତଥା କଲେଜର ସମସ୍ତ କର୍ମଚାରୀ, ଛାତ୍ରଛାତ୍ରୀ କୃତଜ୍ଞତା ଜଣାଇଛନ୍ତି।
ବରଗଡ଼ ଜିଲା ଭଟଲି ବ୍ଲକ ରାଇଶୋଭା ଗ୍ରାମର ପ୍ରଭାସିନୀ ବାରିକ ଏବଂ ରବିଚନ୍ଦ୍ର ବାରିକଙ୍କ ସୁପୁତ୍ର ପିତେଶ୍ୱର ୧୪ ଲକ୍ଷ ଛାତ୍ରଛାତ୍ରୀଙ୍କ ମଧ୍ୟରେ ଶ୍ରେଷ୍ଠ ସ୍ଥାନ ଅଧିକାର କରିଥିବାରୁ ଗର୍ବିତ ଥିବା ସେ ପ୍ରକାଶ କରିଛନ୍ତି। ଗ୍ରାମବାସୀ ସଙ୍କୀର୍ତ୍ତନ କରି ଏକ ଶୋଭାଯାତ୍ରାରେ ପିତେଶ୍ୱରଙ୍କୁ ଗ୍ରାମ ପରିକ୍ରମା କରାଇଛନ୍ତି । ଏହି ସଫଳତାରେ ବରଗଡ଼ ଜିଲାରେ ଖୁସିର ବାତାବରଣ ଦେଖିବାକୁ ମିଳିଛି । କୃତି ଛାତ୍ର ପ୍ରିତେଶ୍ୱର୍ ୬୦୦ ମାର୍କରୁ ୫୯୧ ମାର୍କ ହାସଲ କରିଛନ୍ତି।
