ଲଣ୍ଡନ, ୧୦ା୫: ବେଲିଜିୟମସ୍ଥିତ ଏକ ମ୍ୟାଚ ଫିକ୍ସିଂ ସିଣ୍ଡିକେଟ୍ ସହିତ ସମ୍ପୃକ୍ତିକୁ ନେଇ ଆଉ ଦୁଇ ଜଣ ନିମ୍ନ ର଼୍ୟାଙ୍କିଙ୍ଗପ୍ରାପ୍ତ ଖେଳାଳି ଖେଳରୁ ସସ୍ପେଣ୍ଡ ହୋଇଛନ୍ତି। ଇଣ୍ଟରନ୍ୟାଶନାଲ ଟେନିସ ଇଣ୍ଟିଗ୍ରିଟି ଏଜେନ୍ସି ତରଫରୁ ଏହି ବିଷୟରେ ସୂଚନା ଦିଆଯାଇଛି।
ବାରମ୍ବାର ଦୁର୍ନୀତି କାର୍ଯ୍ୟକଳାପରେ ଲିପ୍ତ ଥିବା ଅଭିଯୋଗରେ ବଲିଭିଆର ଜଣେ ୩୪ ବର୍ଷୀୟ ଆଲେଜାଣ୍ଡ୍ରୋ କ୍ରେସ୍ପେଙ୍କେୁ ଆଜୀବନ ବାସନ୍ଦ ବ୍ୟତୀତ ୨୫୦,୦୦୦ ଆମେରିକୀୟ ଡଲାର ଜରିମାନା କରାଯାଇଛି। ସେହିପରି ଦୁଇଟି ମ୍ୟାଚ ଫଳାଫଳକୁ ଫିକ୍ସିଂ କରିବାରେ ସମ୍ପୃକ୍ତିକୁ ନେଇ ପେରୁର ୨୮ ବର୍ଷୀୟ ଜର୍ଜ ପାଣ୍ଟା ହେରେରସଙ୍କୁ ୩ ବର୍ଷ ବାସନ୍ଦ ବ୍ୟତୀତ ୧୦,୦୦୦ ଆମେରିକୀୟ ଡଲାର ଜରିମାନା କରାଯାଇଛି।
୨୦୧୬ରେ କ୍ରେସ୍ପୋ ୭୪୧ତମ ର଼୍ୟାଙ୍କିଙ୍ଗରେ ପହଞ୍ଚତ୍ପାରିଥିବା ବେଳେ ପାଣ୍ଟା ହେରେରସ ୨୦୨୨ରେ ର଼୍ୟାଙ୍କିଙ୍ଗ ତାଲିକାର ୪୪୭ତମ ସ୍ଥାନରେ ରହିଥିଲେ। ଗ୍ରିଗୋର ସର୍ଗସ୍ୟାନଙ୍କ ଦ୍ୱାରା ପରିଚାଳିତ ମ୍ୟାଚ ଫିକ୍ସିଂ ସିଣ୍ଡିକେଟ୍ ସହ ଜଡ଼ିତ ଥିବା ଅନ୍ୟ ୧୫ ଖେଳାଳିଙ୍କ ସହ ଏହି ଦୁଇଜଣ ଯୋଗ ଦେଇଛନ୍ତି। ଗ୍ରିଗୋରଙ୍କୁ ଗତବର୍ଷ ୫ ବର୍ଷ ଜେଲ ଦଣ୍ଡ ହୋଇଛି।