ବ୍ୟବସାୟରେ ଉନ୍ନତି ପାଇଁ ଅନେକ ବାସ୍ତୁଟିପ୍ସ ରହିଛି। ଏହି ଟିପ୍ସଗୁଡ଼ିକୁ ଉପଯୋଗ କରିବା ଦ୍ୱାରା ସକାରାତ୍ମକ ଊର୍ଜା ଉତ୍ପନ ହୋଇ ବ୍ୟବସାୟକୁ ସଫଳ କରିବାରେ ବିଶେଷ ସହାୟକ ହୋଇଥାଏ ବୋଲି ବିଶ୍ୱାସ କରାଯାଇଥାଏ…
ନୂଆ ନୂଆ ବ୍ୟବସାୟ କରୁଛନ୍ତି କିମ୍ବା ଯେଉଁମାନେ ବ୍ୟବସାୟରେ କ୍ଷତି ସହି ଚାଲିଛନ୍ତି, ସେମାନେ ଚାହିଁଲେ ଅଫିସ୍ରେ ତାଙ୍କ ସିଟ୍ ପଛପଟ କାନ୍ଥରେ ପାହାଡ଼ର କୌଣସି ଫଟୋ ଲଗାଇପାରିବେ। କୁହାଯାଏ ଉଚ୍ଚ ପାହାଡ଼ର ଫଟୋ ଲଗାଇବା ଦ୍ୱାରା ବ୍ୟବସାୟର ଗତି ଊର୍ଦ୍ଧ୍ୱଗାମୀ ହୋଇଥାଏ।
ବାମ୍ବୋ ପ୍ଲାଣ୍ଟକୁ ବି ଶୁଭ ବୋଲି ଧରାଯାଇଥାଏ। କୁହାଯାଏ, ଏହାଦ୍ୱାରା ଧନ ଲାଭ ହେବା ସହିତ ଅଫିସ୍ରେ ସକାରାତ୍ମକ ଊର୍ଜା ଉତ୍ପନ ହୋଇଥାଏ। ବ୍ୟବସାୟରେ ଉନ୍ନତି ପାଇଁ ଆପଣ ଚାହିଁଲେ ଅଫିସ୍ରେ ବାମ୍ବୋ ପ୍ଲାଣ୍ଟ ଲଗାଇପାରିବେ।
ଲାଭ ପାଇଁ ଲକି ବିଲ୍ଲୀର ଷ୍ଟାଚ୍ୟୁକୁ ବି ଅଫିସ୍ରେ ରଖିପାରିବେ। ଫେଙ୍ଗଶୁଇରେ ମଧ୍ୟ ଏହି ଉପାୟକୁ ବହୁତ ଶୁଭ ବୋଲି ଧରାଯାଇଥାଏ।
କଏନ୍ ପ୍ଲାଣ୍ଟକୁ ଧନପ୍ରାପ୍ତିର ପ୍ଲାଣ୍ଟ ବୋଲି କୁହାଯାଇଥାଏ। ଯଦି ବ୍ୟବସାୟରେ ବାରମ୍ବାର କ୍ଷତି ହେଉଥାଏ, ତା’ହେଲେ ଅଫିସ୍ ଟେବୁଲ୍ ଉପରେ ଗୋଟିଏ କଏନ୍ ପ୍ଲାଣ୍ଟ ରଖିବା ସହ ଏହାର ସଫାସୁତୁରା ପ୍ରତି ଯଥେଷ୍ଟ ଧ୍ୟାନ ଦେଲେ ବ୍ୟବସାୟରେ ଲାଭ ହୋଇଥାଏ ବୋଲି ବିଶ୍ୱାସ ରହିଛି।