ନୂଆଦିଲ୍ଲୀ,୯ ।୩: ବାଟ୍ଲା ହାଉସ୍ ଏନ୍କାଉଣ୍ଟର ମାମଲାରେ ଦିଲ୍ଲୀର ସାକେତ କୋର୍ଟ ଇଣ୍ଡିଆନ ମୁଜାହାଦ୍ଦିନର ଆତଙ୍କବାଦୀ ଆରିଜ ଖାଁଙ୍କୁ ଦୋଷୀ ସାବ୍ୟସ୍ତ କରିଛନ୍ତି । ତାଙ୍କର ଦଣ୍ଡ ବିଧାନ ସମ୍ପର୍କିତ ଶୁଣାଣି ମାର୍ଚ୍ଚ ୧୫ରେ ହେବ । ଏହାକୁ ନେଇ ମଙ୍ଗଳବାର ଭାରତୀୟ ଜନତା ପାର୍ଟି(ଭାଜପା) ନେତା ତଥା କେନ୍ଦ୍ରମନ୍ତ୍ରୀ ରବିଶଙ୍କର ପ୍ରସାଦ କଂଗ୍ରେସ, ବାମଦଳ ଓ ମମତା ବାନାର୍ଜୀଙ୍କୁ ଟାର୍ଗେଟ କରିଛନ୍ତି । ରବିଶଙ୍କର କହିଛନ୍ତି, କୋର୍ଟ ଏବେ ପ୍ରମାଣ କରିଛନ୍ତି କି ବାଟଲା ହାଉସ୍ ଏନ୍କାଉଣ୍ଟର ମିଛ ନ ଥିଲା । ଏହାପରେ ବି କ’ଣ ସୋନିଆ ଗାନ୍ଧୀ କାନ୍ଦୁଛନ୍ତି । ଆଉ ମମତା ବାନାର୍ଜୀ ସେତେବେଳେ ଯାହା କହିଥିଲେ ଯେ ଯଦି ବାଟଲା ହାଉସ୍ ଏନକାଉଣ୍ଟର ସତ ହୁଏ ତେବେ ସେ ରାଜନୀତି ଛାଡି ଦେବେ । ଏବେତ ପ୍ରମାଣ ସାମ୍ନାରେ କେବେ ମମତା ରାଜନୀତି ଛାଉଛନ୍ତି ବୋଲି ଭାଜପା ପ୍ରଶ୍ନ କରୁଛି । ବିରୋଧୀଙ୍କୁ ଟାର୍ଗେଟ କରି ରବିଶଙ୍କର ପ୍ରସାଦ କହିଛନ୍ତି ଏମାନେ ଦେଶର ସୁରକ୍ଷା କଥା ଭୁଲି ଆତଙ୍କବାଦୀଙ୍କ ପକ୍ଷରେ ରହିଛନ୍ତି । ଆଉ ଆରିଜ ଖାଁ କେବଳ ବାଟଲା ହାଉସ ଏନକାଉଣ୍ଟର ନୁହେଁ ବରଂ ୨୦୦୭ରେ ଲକ୍ଷ୍ନୌ କୋର୍ଟ ବ୍ଲାଷ୍ଟ, ଫୈଜାବାଦ ଓ ବାରାଣସୀ ବ୍ଲାଷ୍ଟରେ ବି ସାମିଲ ଥିଲେ ।