ନୂଆଦିଲ୍ଲୀ,୧୪।୧: ପାକିସ୍ତାନ ବିପକ୍ଷରେ ଖେଳାଯାଇଥିବା ଦ୍ୱିତୀୟ ଟି-୨୦ରେ ଡାରିଲ ମିଚେଲ ଏମିତି ଛକା ମାରିଥିଲେ, ବଲ ସିଧା ଯାଇ କ୍ୟାମେରାକୁ ବାଜିଥିଲା। ପାକିସ୍ତାନ ଏବଂ ନ୍ୟୁଜିଲାଣ୍ଡ ମଧ୍ୟରେ ଦ୍ୱିତୀୟ ଟି-୨୦ ହାମିଲଟନ୍ର ସେଡନ ପାର୍କରେ ଖେଳାଯାଇଥିଲା। ନ୍ୟୁଜିଲାଣ୍ଡ ପାକିସ୍ତାନକୁ ୨୧ ରନରେ ପରାସ୍ତ କରିଛି। ମ୍ୟାଚର ପ୍ରଥମ ଇନିଂସ ସମୟରେ ମିଚେଲ ଏକ ଚମତ୍କାର ଛକା ମାରିଥିଲେ, ଯାହା କ୍ୟାମେରାମ୍ୟାନଙ୍କ କ୍ଷତି ଘଟାଇଥିଲେ।
ମ୍ୟାଚର ପ୍ରଥମ ଇନିଂସ ସମୟରେ ଡାରିଲ ମିଚେଲ ଏକାଦଶ ଓଭରରେ ଅବ୍ବାସ ଆଫ୍ରିଦିଙ୍କ ଉପରେ ଏକ ସଟ ଖେଳିଥିଲେ, ବଲ ସିଧା କ୍ୟାମେରାକୁ ଯାଇଥିଲା। କ୍ୟାମେରାରେ ବଲ୍ ବାଜିବା ପରେ କ୍ୟାମେରାମ୍ୟାନ ଅସନ୍ତୁଷ୍ଟ ଥିବା ଦେଖାଯାଇଥିଲା। ମିଚେଲଙ୍କ ଏହି ଛକା ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି। ଏହି ମ୍ୟାଚରେ ମିଚେଲ ୧୦ ବଲରେ ୧୭ ରନର ଇନିଂସ ଖେଳିଥିଲେ। ସେ ଦଳ ପାଇଁ ବଡ଼ ଅବଦାନ ଦେଇପାରି ନ ଥିଲେ। ସିରିଜର ପ୍ରଥମ ମ୍ୟାଚ୍ରେ ମିଚେଲ ପାକିସ୍ତାନ ବିପକ୍ଷରେ ୬୧ ରନ୍ର ଇନିଂସ ଖେଳିଥିଲେ।