ନୂଆଦିଲ୍ଲୀ,୧୪।୫ : ପବ୍ଜୀ ଗେମ୍ର ନୂଆ ଅବତାର ‘ ବ୍ୟାଟେଲଗ୍ରାଉଣ୍ଡ ମୋବାଇଲ ଇଣ୍ଡିଆ ’ର ପ୍ରି-ରେଜିଷ୍ଟ୍ରେଶନ ତାରିଖ ଘୋଷଣା କରିଛି ଭିଡିଓ ଗେମ୍ ଡେଭଲପର କ୍ରାଫ୍ଟନ। ଆସନ୍ତା ୧୮ ତାରିଖରୁ ଗେମ୍ ଆରମ୍ଭ ହେବ ପ୍ରି-ରେଜିଷ୍ଟ୍ରେଶନ। ଏହି ଗେମ୍ ଉଭୟ ଆନରଏଡ ଓ ଆଇଓଏସ୍ ଡିଭାଇସ ପାଇଁ ଉପଲବ୍ଧ ହେବ। କିନ୍ତୁ ଡେଭଲପରଙ୍କ ପକ୍ଷରୁ କେବଳ ଆନରଏଡ୍ ପାଇଁ ଘୋଷଣା କରାଯାଇଛି ପ୍ରି-ରେଜିଷ୍ଟ୍ରେଶନ ଡେଟ୍। ଏହାର ଅର୍ଥ ଆପଲ ୟୁଜରଙ୍କୁ ଆହୁରି ଅପେକ୍ଷା କରିବାକୁ ପଡ଼ିବ।
ଗେମ୍ ପାଇଁ ଆଗୁଆ ରେଜିଷ୍ଟର କଲେ ୟୁଜରଙ୍କୁ ପୁରସ୍କୃତ କରାଯିବ ବୋଲି କ୍ରାଫ୍ଟନ ପକ୍ଷରୁ ଘୋଷଣା କରାଯାଇଛି। ଗେମ୍ ଲଞ୍ଚ ହେବା ପରେ ପୁରସ୍କାରଗୁଡ଼ିକ ଉପଲବ୍ଧ ହେବ।
କେଉଁ ଭଳି ଆଗୁଆ ରେଜିଷ୍ଟର କରିବେ ?
ୟୁଜରଙ୍କୁ ପ୍ରଥମେ ଗୁଗୁଲ ପ୍ଲେ ଷ୍ଟୋରକୁ ଯିବାକୁ ପଡ଼ିବ। ଗେମ୍ ସର୍ଚ୍ଚ କରିବା ପରେ ‘ପ୍ରି-ରେଜିଷ୍ଟର’ ବଟନ ଉପରେ କ୍ଲିକ କରି ରେଜିଷ୍ଟ୍ରେଶନ କରିପାରିବେ। ଏହି ପ୍ରକ୍ରିୟା ୧୮ ତାରିଖରୁ ଆରମ୍ଭ ହେବ। ଏହି ଗେମ୍ ଡାଉନଲୋଡ ପାଇଁ ଉପଲବ୍ଧ ହେଲା ପରେ ରେଜିଷ୍ଟ୍ରେଶନ କରିଥିବା ୟୁଜରଙ୍କୁ ନୋଟିଫିକେଶନ ଜରିଆରେ ଜଣାଇଦିଆଯିବ।