ଭୁବନେଶ୍ବର,୨୬।୫: ବାତ୍ୟା ‘ୟାସ’ର ଲ୍ୟାଣ୍ଡଫଲ ପ୍ରକ୍ରିୟା ଶେଷ ହୋଇଛି। ଏନେଇ ସୂଚନା ଦେଇଛନ୍ତି ଆଇଏମ୍ଡି ମହାନିର୍ଦ୍ଦେଶକ ମୃତ୍ୟୁଞ୍ଜୟ ମହାପାତ୍ର । ବାତ୍ୟା ‘ୟାସ’ ଧାମରାର ଉତ୍ତର, ବାଲେଶ୍ୱର ସହର ତଳକୁ ବାହାନଗା ପାଖରେ ଲ୍ୟାଣ୍ଡଫଲ କରିଥିଲା। ଏହି ସମୟରେ ପବନର ବେଗ ୧୩୦ରୁ ୧୪୦ କି.ମି. ରହିଥିଲା। ଲ୍ୟାଣ୍ଡଫଲ ପ୍ରକ୍ରିୟା ୩ରୁ ୪ ଘଣ୍ଟା ଧରି ଚାଲିଥିଲା। ଏହି ସମୟରେ ବ୍ୟାପକ କ୍ଷୟକ୍ଷତି ଘଟିଛି। ମାତ୍ର ଯେଉଁଭଳି ଭାବେ ଆକଳନ କରାଯାଉଥିଲା ବାତ୍ୟାର ପ୍ରଭାବ ତାଠାରୁ ଢେର କମ୍ ରହିଥିଲା। ଲାଣ୍ଡଫଲ୍ ପୂର୍ବରୁ ବାତ୍ୟା ଦୁର୍ବଳ ହୋଇପଡିଥିଲା। ଫଳରେ ବାତ୍ୟାର ପ୍ରଭାବ କମ୍ ଦେଖିବାକୁ ମିଳିଛି। ତେବେ ବାଲେଶ୍ୱରରେ ସବୁଠୁ ଅଧିକ ବେଗରେ ପବନ ହୋଇଥିବା ବେଳେ ଭଦ୍ରକ, କେନ୍ଦ୍ରାପଡ଼ା, ଜଗତସିଂହପୁରରେ ପବନ ସାଙ୍ଗକୁ ପ୍ରବଳ ବର୍ଷା ହୋଇଛି।
ସୂଚନା ଯୋଗ୍ୟ, ମଙ୍ଗଳବାର ଆଇଏମ୍ଡି ପକ୍ଷରୁ ଜାରି କରାଯାଇଥିବା ବୁଲେଟିନ୍ରେ ବାତ୍ୟା ‘ୟାସ’ ଘଣ୍ଟାପ୍ରତି ୧୫୫ରୁ ୧୬୫ କି.ମି. ପବନ ବେଗରେ ସ୍ଥଳଭାଗ ଛୁଇଁବ ବୋଲି କୁହାଯାଇଥିଲା।