ନୂଆଦିଲ୍ଲୀ,୨୨।୧ : ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଉପରେ ବ୍ରିଟିଶ ବ୍ରୋଡକାଷ୍ଟ କର୍ପୋରେଣନ (ବିବିସି) ଡକ୍ୟୁମେଣ୍ଟାରୀକୁ ନେଇ ବିବାଦ ଥମିବାର ଏହାର ନା ନେଉନାହିଁ। ବିରୋଧୀ ଦଳର ନେତାମାନେ ଏହାକୁ ନେଇ ପ୍ରଧାନମନ୍ତ୍ରୀଙ୍କୁ ଟାର୍ଗେଟ କରିବାକୁ ପଛାଉ ନାହାଁନ୍ତି। ଏନେଇ ଶାସକ ଦଳ ଏବଂ ବିରୋଧୀ ଦଳର ନେତାମାନଙ୍କ ମଧ୍ୟରେ ବାକ୍ଯୁଦ୍ଧ ଜାରି ରହିଛି।
ଏହି କ୍ରମରେ କେନ୍ଦ୍ର ମନ୍ତ୍ରୀ କିରେନ ରିଜିଜ ରହିବାର ଏହି ପ୍ରସଙ୍ଗକୁ ତୀବ୍ର ନିନ୍ଦା କରିଛନ୍ତି। ସେ ଭାରତ ଭିତରେ ଏବଂ ବାହାରେ ଚାଲିଥିବା “ଦୁର୍ଭାଗ୍ୟପୂର୍ଣ୍ଣ ଅଭିଯାନ”କୁ ବିରୋଧ କରି କହିଛନ୍ତି ଯେ କିଛି ଲୋକ ବିବିସିକୁ ସୁପ୍ରିମକୋର୍ଟଙ୍କ ଉପରେ ବୋଲି ବିଚାର କରି ଅଧିକ ଗୁରୁତ୍ୱ ପ୍ରଦାନ କରନ୍ତି। କିଛି ଲୋକ ସେମାନଙ୍କର ନୈତିକ ଗୁରୁମାନଙ୍କୁ ଖୁସି କରିବା ପାଇଁ ଦେଶର ସମ୍ମାନ ଏବଂ ଭାବମୂର୍ତ୍ତିକୁ ଯେକୌଣସି ସ୍ତରରେ ହ୍ରାସ କରିବାକୁ ଚେଷ୍ଟା କରୁଛନ୍ତି।
ଟୁଇଟ କରି ରିଜିଜୁ କହିଛନ୍ତି ଯେ ଦେଶର ସଂଖ୍ୟାଲଘୁ ସମ୍ପ୍ରଦାୟ ସକାରାତ୍ମକ ଭାବରେ ଆଗକୁ ବଢୁଛନ୍ତି। ଭାରତ ଭିତରେ କିମ୍ବା ବାହାରେ ଆରମ୍ଭ ହୋଇଥିବା ଦୁର୍ଦ୍ଦାନ୍ତ ଅଭିଯାନ ଦ୍ୱାରା ଭାରତର ଭାବମୂର୍ତ୍ତିକୁ ଅପମାନିତ କରାଯାଇପାରିବ ନାହିଁ। ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସ୍ବର ହେଉଛି ୧୪୦ କୋଟି ଭାରତୀୟଙ୍କ ଭାବନା।
ଭାରତର କିଛି ଲୋକ ଏପର୍ଯ୍ୟନ୍ତ ଔପନିବେଶିକ ମନୋଭାବରୁ ମୁକ୍ତି ପାଇନାହାଁନ୍ତି। ସେମାନେ ବିବିସିକୁ ଭାରତର ସର୍ବୋଚ୍ଚ ନ୍ୟାୟାଳୟ ଉପରେ ବିବେଚନା କରନ୍ତି ଏବଂ ଏହି ଲୋକଙ୍କଠାରୁ କୌଣସି ଭରସା ନାହିଁ । ସେମାନଙ୍କର ଏକମାତ୍ର ଲକ୍ଷ୍ୟ ହେଉଛି ଭାରତକୁ ଦୁର୍ବଳ କରିବା।