ନୂଆଦିଲ୍ଲୀ/ଲଣ୍ଡନ,୬ ।୩: କଂଗ୍ରେସ ନେତା ରାହୁଲ ଗାନ୍ଧୀ ଶନିବାର ଲଣ୍ଡନରେ ମିଡିଆ ସହ କଥା ହେବା ସମୟରେ କହିଛନ୍ତି ବିବିସିର ଘଟଣା ଭାରତରେ ସ୍ୱର ଦବାଇବାର ଏକ ଉଦାହରଣ ମାତ୍ର । ବିବିସି ଡକ୍ୟୁମେଣ୍ଟାରୀକୁ ନେଇ ଟିପ୍ପଣି କରିବାକୁ କହିବାରୁ ରାହୁଲ ଗାନ୍ଧୀ କହିଛନ୍ତି, ‘ଏହା ଏକ ପ୍ରକାର ଅଡାନୀ ଭଳି… ଗୋଟିଏ ପଟେ ଏକ ଔପନିବେଶକ ହ୍ୟାଙ୍ଗଓଭର ବି’ । ପ୍ରତିଟି ସ୍ଥାନରେ ଯେଉଁଠି ବିରୋଧ ହେଉଛି, ସେଠାରେ ଏକ ବାହାନା ହୋଇଥାଏ, ସାରା ଦେଶରେ ସ୍ୱରକୁ ଚାପିବାକୁ ପ୍ରୟାସ କରାଯାଇଥାଏ, ବିବିସି ଏକ ଉଦାହରଣ ।
ସେ କହିଛନ୍ତି ବିବିସିକୁ ଏବେ ଏ ସମ୍ପର୍କରେ ଜଣାପଡିଲା, ହେଲେ ଭାରତରେ ଏହା ଗତ ୯ ବର୍ଷ ହେଲା ଚାଲି ଆସୁଛି । ଖବରଦାତାଙ୍କୁ ଧମକ ଦିଆଯାଉଛି, ସେମାନଙ୍କ ଉପରେ ଆକ୍ରମଣ କରାଯାଉଛି ଓ ସରକାରଙ୍କ କଥା କହୁଥିବା ଖବରଦାତାଙ୍କୁ ପୁରସ୍କାର ଦିଆଯାଉଛି. ଏହା ଏକ ପ୍ୟାଟର୍ନର ଅଂଶ । ମୁଁ ଆଉ କିଛି ଭିନ୍ନ ଆଶା କରିପାରୁନି । ଯଦି ବିବିସି ସରକାରଙ୍କ ବିରୋଧରେ ଲେଖିବା ବନ୍ଦ କରିଦେବ ତେବେ ସବୁକିଛି ସାମାନ୍ୟ ହୋଇଯିବ, ଏହା ଭାରତର ନୂଆ ଚିନ୍ତା, ଭାରତୀୟ ଜନତା ପାର୍ଟି(ଭାଜପା) ଚାହୁଛି ଭାରତ ଚୁପ ରହୁ ।