ନୂଆଦିଲ୍ଲୀ,୨୪ ।୧: ବିବିସି ଦ୍ୱାରା ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଉପରେ ନିର୍ମିତ ଡକ୍ୟୁମେଣ୍ଟାରିକୁ ୟୁଟ୍ୟୁବ ଓ ଟୁଇଟରରେ ବ୍ଲକ କରି ଦିଆଯାଇଛି । ଏହାପରେ ବି ହାଇଦ୍ରାବାଦ ୟୁନିଭର୍ସିଟିରେ ଛାତ୍ରଙ୍କୁ ଡକ୍ୟୁମେଣ୍ଟାରି ଦେଖାଯାଇଛି । ରାଷ୍ଟ୍ରୀୟ ସ୍ୱୟଂ ସେବକ ସଂଘର ଛାତ୍ର ଶାଖା ଅଖିଳ ଭାରତୀୟ ବିଦ୍ୟାର୍ଥି ପରିଷଦ(ଏବିଭିପି) ଏହାକୁ ନେଇ ଅଧିକାରୀଙ୍କ ନିକଟରେ ଏକ ଅଭିଯୋଗ ବି ଦାଖଲ କରିଛନ୍ତି । ଅଭିଯୋଗ ରହିଛି କି ଛାତ୍ରମାନେ ବିଶ୍ୱିଦ୍ୟାଳୟ ପରିସରରେ ଡକ୍ୟୁମେଣ୍ଟାରି ଦେଖିଛନ୍ତି । ଏପଟେ ଦିଲ୍ଲୀର ଜେଏନୟୁରେ ବି ଏହି ଡକ୍ୟୁମେଣ୍ଟାରି ପ୍ରଦର୍ଶିତ ହେବାକୁ ଥିବା ବେଳେ କାର୍ଯ୍ୟକ୍ରମକୁ କିନ୍ତୁ ରଦ୍ଧ କରି ଦିଆଯାଇଛି ।
ହାଇଦ୍ରାବାଦ ୟୁନିଭର୍ସିିଟିରେ ଡକ୍ୟୁମେଣ୍ଟାରି ପ୍ରଦର୍ଶନକୁ ନେଇ ଅଧିକାରୀମାନେ ଯାଞ୍ଚ କରୁଛନ୍ତି । ପୋଲିସର ସୂଚନା ଅନୁଯାୟୀ, ୟୁନିଭର୍ସିଟି କ୍ୟାମ୍ପସ ଭିତରେ ବିବିସି ଡକ୍ୟୁମେଣ୍ଟାରି ‘ଇଣ୍ଡିଆ: ଦ ମୋଦି କ୍ୱୋଶ୍ଚିନ’ର ସ୍କ୍ରିନିଂର ଆୟୋଜନ କରାଯାଇଥିଲା । ପୋଲିସ କହିଛି ଏହି ଘଟଣା ସମ୍ପର୍କରେ ସୂଚନା ମିଳିଛି ଓ ଏବେ ଯାଞ୍ଚ ଚାଲିଛି । ଏହାସହ ଦିଲ୍ଲୀର ଜେଏନୟୁରେ ‘ଇଣ୍ଡିଆ: ଦ ମୋଦି କ୍ୱୋଶ୍ଚିନ’ର ସ୍କ୍ରିନିଂ ପାଇଁ ୨୪ ଜାନୁୟାରୀ ସ୍ଥିର କରାଯାଇଥିବା ବେଳେ କାର୍ଯ୍ୟକ୍ରମକୁ ରଦ୍ଦ କରି ଦିଆଯାଇଛି । ଜେଏନୟୁ ପ୍ରଶାସନ କହିଛନ୍ତି କି ଏଭଳି ଡକ୍ୟୁମେଣ୍ଟାରି କ୍ୟାମ୍ପସର ଶାନ୍ତି ଭଙ୍ଗ କରିବ ।