ବେଙ୍ଗାଲୁରୁ,୧୮।୯: ଗଣେଶ ଚତୁଥି ଅବସରରେ ବୃହତ ବେଙ୍ଗାଲୁରୁ ମହାନଗର ନିଗମ(ବିବିଏମପି) ମାଂସ ବିକ୍ରି ଓ ପ୍ରାଣୀଙ୍କ ହତ୍ୟା ଉପରେ ପ୍ରତିବନ୍ଧକ ଲଗାଇଛି। ବିବିଏମପିର ପ୍ରାଣୀ ପରାମର୍ଶଦାତା ବୋର୍ଡ ସମସ୍ତ ମାଂସ ଦୋକାନି ମାଲିକଙ୍କ ପାଇଁ ନିର୍ଦ୍ଦେଶାବଳୀ ଜାରି କରିଛନ୍ତି।
ସୂଚନାଯୋଗ୍ୟ ଯେ ଗଣେଶ ଚତୁର୍ଥୀ ପର୍ବ ୧୯ ସେପ୍ଟେମ୍ବରରେ ସାରା ଦେଶରେ ପାଳନ କରାଯିବ। ମନ୍ଦିରରେ ଗଣେଶ ମହୋତ୍ସବଙ୍କ ପାଇଁ ପ୍ରସ୍ତୁତି ଆରମ୍ଭ ହୋଇଛି। ପ୍ରତିମା ବିକ୍ରୟ ପାଇଁ ବଜାର ମଧ୍ୟ ପ୍ରସ୍ତୁତ। ଗଣେଶ ଚତୁର୍ଥୀରେ ଲୋକମାନେ ରୀତିନୀତି ଅନୁଯାୟୀ ଗଣେଶ ମୂର୍ତ୍ତି ପୂଜା କରିବେ ଏବଂ ସ୍ଥାପନ କରିବେ। ଯେତେବେଳେ କି ଗଣେଶଙ୍କର ମୂର୍ତ୍ତି ୨୭ ସେପ୍ଟେମ୍ବରରେ ବିସର୍ଜନ କରାଯିବ। ବିବିଏମପି ଏବେ ଏହି ବିଷୟରେ ନିର୍ଦ୍ଦେଶନାମା ଜାରି କରିଛି।
ନାଗରିକ ସଂଗଠନ ସହରରେ ଗଣେଶ ପେଣ୍ଡାଲ ଆୟୋଜନ କରୁଥିବା ବ୍ୟକ୍ତିଙ୍କ ପାଇଁ ଏକ ନିୟମ ତାଲିକା ମଧ୍ୟ ଜାରି କରିଛି। ଏଥି ସହିତ ବେଙ୍ଗାଲୁରୁର ୬୦ ରୁ ଅଧିକ ୱିଣ୍ଡୋ କ୍ଲିୟରାନ୍ସ କେନ୍ଦ୍ର ଗଣେଶ ପେଣ୍ଡାଲ ସ୍ଥାପନ କରିବାକୁ ଚାହୁଁଥିବା ଆୟୋଜକମାନଙ୍କୁ ଅନୁମତି ପ୍ରଦାନ କରିଥିଲେ। ତେବେ ଜାରି କରାଯାଇଥିବା ନିର୍ଦ୍ଦେଶାବଳୀର ଉଲ୍ଲଂଘନ କଲେ କଡା କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି କୁହାଯାଇଛି।
