ମାଞ୍ଚେଷ୍ଟର,୯।୯: ଭାରତୀୟ ଦଳର ସପୋର୍ଟ ଷ୍ଟାଫଙ୍କ ଆରଟିପିସଆର ରିପୋର୍ଟ ପଜିଟିଭ ଆସିବା ପରେ ସିରିଜ୍ର ୫ମ ତଥା ଅନ୍ତିମ ଟେଷ୍ଟ ଅନିଶ୍ଚିତତାରେ ଘେରି ହୋଇଯାଇଛି। ଏହା ଉପରେ ମତ ରଖିଛନ୍ତି ବିସିସିଆଇ ସଭାପତି ସୌରଭ ଗାଙ୍ଗୁଲି।
”ବର୍ତ୍ତମାନ ୫ମ ଟେଷ୍ଟ ଖେଳାଯିବ ନା ନାହିଁ ଜଣାନାହିଁ। ଆଶା କରୁଛୁ ଖେଳ ହେଉ“ ବୋଲି କୋଲକାତାରେ ଏକ ପୁସ୍ତକ ଉନ୍ମୋଚନ ଅବସରରେ କହିଛନ୍ତି ଗାଙ୍ଗୁଲି କହିଛନ୍ତି।
ମୁଖ୍ୟ କୋଚ୍ ରବି ଶାସ୍ତ୍ରୀ ଓ ସପୋର୍ଟ ଷ୍ଟାଫ୍ ଭରତ ଅରୁଣ, ଆର ଶ୍ରୀଧର ଓ ନୀତିନ ପଟେଲଙ୍କ ରିପୋର୍ଟ ପଜିଟିଭ ଆସିବା ପରେ ସେମାନଙ୍କୁ ଆଇସୋଲେଶନରେ ରଖାଯାଇଛି। ଏବେ ଦଳୀୟ ଫିଜିଓ ନୀତିନ ପଟେଲଙ୍କ ରିପୋର୍ଟ ପଜିଟିଭ ଆସିବା ପରେ ଟିମ୍ ମ୍ୟାନେଜମେଣ୍ଟର ଚିନ୍ତା ବଢ଼ିଯାଇଛି। କାରଣ ନୀତିନ ଖେଳାଳିଙ୍କ ସିଧାସଳଖ ସଂଶ୍ପର୍ସରେ ଥିଲେ। ତେବେ ଖେଳାଳିଙ୍କ ଟେଷ୍ଟ କରାଯାଇଛି। କିନ୍ତୁ ସେମାନଙ୍କ ରିପୋର୍ଟ ଏପର୍ଯ୍ୟନ୍ତ ଆସି ନାହିଁ। ବର୍ତ୍ତମାନ ଟେଷ୍ଟ ସିରିଜ୍ରେ ଭାରତ ୨-୧ରେ ଆଗୁଆ ଅଛି। ଶୃଙ୍ଖଳାକୁ ଜିତିବା ପାଇଁ ଟିମ୍ ଇଣ୍ଡିଆକୁ ମାଞ୍ଚେଷ୍ଟର ଟେଷ୍ଟକୁ ଅତିକମ୍ରେ ଡ୍ର’ କରିବାକୁ ପଡ଼ିବ।
