ମୁମ୍ବାଇ,୮।୭: ଭାରତୀୟ ଦଳର ଅଭିଜ୍ଞ ସ୍ପିନର ରବିଚନ୍ଦ୍ରନ ଅଶ୍ୱିନଙ୍କ ପାଇଁ ସ୍ବତନ୍ତ୍ର ବ୍ୟବସ୍ଥା କରିଛି ବିସିସିଆଇ। ଇଂଲଣ୍ଡ ବିପକ୍ଷ ଟେଷ୍ଟ ସିରିଜ୍ ପୂର୍ବରୁ ଅଶ୍ୱିନ ସରେ ପାଇଁ ଏକ କାଉଣ୍ଟି ମ୍ୟାଚ୍ ଖେଳିବେ। ସମରସେଟ ବିପକ୍ଷରେ ଖେଳାଯିବାକୁ ଥିବା ୪ ଦିନିଆ ଫାଷ୍ଟ କ୍ଲାସ ମ୍ୟାଚ୍ ୧୧ ତାରିଖରୁ ଆରମ୍ଭ ହେବ।
ତାମିଲନାଡୁ ଅଲରାଉଣ୍ଡର ଓ୍ବାଶିଂଟନ ସୁନ୍ଦରଙ୍କ ପାଇଁ ସମାନ ବ୍ୟବସ୍ଥା କରାଯାଉଛି । ସୁନ୍ଦର ଲାଙ୍କାଶାୟାର ପାଇଁ ୪ ଦିନିଆ କାଉଣ୍ଟି ମ୍ୟାଚ୍ ଖେଳିପାରନ୍ତି। ଆସନ୍ତା ୪ ତାରିଖରୁ ଇଂଲଣ୍ଡ ବିପକ୍ଷ ସିରିଜ୍ ପୂର୍ବରୁ କମ୍ବାଇଣ୍ଡ କାଉଣ୍ଟି ଏକାଦଶ ସହ ୩ ଦିନିଆ ଏକ ଓ୍ବାର୍ମ ଅପ୍ ମ୍ୟାଚ୍ ଖେଳିବ ଭାରତୀୟ ଦଳ। ଏହି ମ୍ୟାଚ୍ ୨୦ ତାରିଖରୁ ଖେଳାଯିବ। ଏହାବାଦ୍ ଟିମ୍ ଇଣ୍ଡିଆ କେବଳ ଗୋଟିଏ ଇଣ୍ଟ୍ରା-ସ୍କ୍ବାଡ ମ୍ୟାଚ୍ ଖେଳିବ।