ନୂଆଦିଲ୍ଲୀ,୨୨।୬: ଭାରତୀୟ ଦଳ ଚଳିତ ବର୍ଷ ୨ଟି ବଡ ଟୁର୍ନାମେଣ୍ଟରେ ଭାଗ ନେବ। ଗୋଟିଏ ହେଉଛି ଏସିଆ କପ ଏବଂ ଅନ୍ୟଟି ହେଉଛି ଆଇସିସି ଦିନିକିଆ ବିଶ୍ୱକପ। ଏହି ଦୁଇଟି ଟୁର୍ନାମେଣ୍ଟରେ ସମସ୍ତଙ୍କ ଆଖି ଦଳ ଚୟନ ଉପରେ ରହିବ। ମୁଖ୍ୟ ପ୍ରଶିକ୍ଷକ ପଦରୁ ଚେତନ ଶର୍ମାଙ୍କ ହଠାତ୍ ଇସ୍ତଫା ପରେ ଚୟନ କମିଟି ଖାଲି ପଡିଛି। ବର୍ତ୍ତମାନ ଶିବ ସୁନ୍ଦର ଦାସ ଭାରତୀୟ ଦଳର ମୁଖ୍ୟ ଚୟନକର୍ତ୍ତାଙ୍କ ଦାୟିତ୍ୱ ତୁଲାଉଛନ୍ତି। ଏହି ସମୟରେ ଖାଲି ଥିବା ପୋଷ୍ଟକୁ ନେଇ ପୂର୍ବତନ ଭାରତୀୟ ଖେଳାଳି ବିରେନ୍ଦର ସେହୱାଗଙ୍କ ନାମ ସାମ୍ନାକୁ ଆସୁଛି। ତେବେ ଚୟନକର୍ତ୍ତାଙ୍କୁ ଦିଆଯାଉଥିବା ଦରମା ଏକ ବଡ ସମସ୍ୟା ବୋଲି କୁହାଯାଉଛି।
ଏକ ସମୟରେ ଭାରତୀୟ ଦଳର ମୁଖ୍ୟ ଚୟନକର୍ତ୍ତାଙ୍କ ଦାୟିତ୍ୱ ଦିଲୀପ ଭେଙ୍ଗସରକାର ଏବଂ କେ. ଶ୍ରୀକାନ୍ତଙ୍କ ପରି କିମ୍ବଦନ୍ତୀ ଖେଳାଳିମାନେ ଦାୟିତ୍ୱ ନିଭାଇଥିବା ନଜର ଆସିଥିଲେ। କିନ୍ତୁ ବର୍ତ୍ତମାନ ବଡ ଖେଳାଳିମାନେ ଏହି ଦାୟିତ୍ୱ ପୂରଣ କରିବା ଠାରୁ ଦୂରେଇ ଯାଉଛନ୍ତି । ଏହା ପଛରେ ସମସ୍ତେ ବିଶ୍ୱାସ କରନ୍ତି ଯେ ଚୟନକର୍ତ୍ତା ଭାବରେ ପ୍ରାପ୍ତ ଦରମା ବହୁତ କମ ଅଟେ। ଏହି ସମୟରେ ଉତ୍ତର ଜୋନର ଗୋଟିଏ ନାମ ଚୟନ କମିଟିରେ ସାମିଲ କରାଯିବ। ଏହାକୁ ନେଇ ବିରେନ୍ଦର ସେହୱାଗଙ୍କ ନାଁ ସାମ୍ନାକୁ ଆସୁଛି।
