ନୂଆଦିଲ୍ଲୀ,୧୮।୨ : ଇଂଲଣ୍ଡ ବିପକ୍ଷ ତୃତୀୟ ଟେଷ୍ଟ ମ୍ୟାଚ୍ ଚାଲିଥିବା ବେଳେ ଆର. ଅଶ୍ୱିନ ବ୍ୟକ୍ତିଗତ କାରଣରୁ ଘରକୁ ଚାଲି ଯାଇଥିଲେ। ରିପୋର୍ଟ ଅନୁଯାୟୀ ଅଶ୍ୱିନଙ୍କ ମା’ଙ୍କର ଅସୁସ୍ଥତା କାରଣରୁ ସେ ଘରକୁ ଯାଇଥିବା କୁହାଯାଉଛି। ଖେଳର ଚତୁର୍ଥ ଦିନରେ ସେ ପୁଣି ରାଜକୋଟ ଫେରି ଟିମ୍ ସହିତ ଯୋଗ ଦେଇଥିଲେ।
ତେବେ ଅଶ୍ୱିନ କିପରି ଏତେ କମ୍ ସମୟରେ ରାଜକୋଟରୁ ଘରକୁ ଯାଇ ପୁଣି ଆସି ଦଳ ସହିତ ଯୋଗ ଦେଇଥିଲେ, ତାହା ପ୍ରକାଶ କରିଛନ୍ତି ଭାରତର ପୂର୍ବତନ ପ୍ରଶିକ୍ଷକ ରବି ଶାସ୍ତ୍ରୀ। ସେ କହିଛନ୍ତି ଯେ, କ୍ରିକେଟ୍ ବୋର୍ଡ ଅଫ୍ ଇଣ୍ଡିଆ (ବିସିସିଆଇ) ସଚିବ ଜୟ ଶାହା ଅଶ୍ୱିନଙ୍କ ପାଇଁ ଏକ ସ୍ୱତନ୍ତ୍ର ଚାର୍ଟାର୍ଡ ବିମାନ ବ୍ୟବସ୍ଥା କରିଥିଲେ। ଯାହାଦ୍ୱାରା ଅଶ୍ୱିନ କୌଣସି ବାଧାବିଘ୍ନରେ ଘରକୁ ଯାଇ ପୁଣି ଫେରି ପାରିବେ।
ଶାସ୍ତ୍ରୀ କମେଣ୍ଟ୍ରି କରୁଥିବା ବେଳେ କହିଛନ୍ତି ଯେ, ବିସିସିଆଇ ସଚିବ ଜୟ ଶାହ ଅଶ୍ୱିନଙ୍କ ଘରକୁ ଯିବା ଏବଂ ରାଜକୋଟ ଫେରିବା ପାଇଁ ଏକ ଚାର୍ଟର୍ଡ ବିମାନର ବ୍ୟବସ୍ଥା କରିଥିଲେ। ମ୍ୟାଚ୍ର ଦ୍ୱିତୀୟ ଦିନରେ ୫୦୦ ଟେଷ୍ଟ ୱିକେଟର ମାଇଲଖୁଣ୍ଟରେ ପହଞ୍ଚିବାର କିଛି ଘଣ୍ଟା ପରେ ଅଶ୍ୱିନ୍ ତାଙ୍କ ଅସୁସ୍ଥ ମା’ଙ୍କ ନିକଟରେ ଯୋଗଦେବା ପାଇଁ ଚେନ୍ନାଇ ଯିବାକୁ ବାଧ୍ୟ ହୋଇଥିଲେ।
