ନୂଆଦିଲ୍ଲୀ,୧୦।୧୨: ଭାରତ ଏବଂ ଇଂଲଣ୍ଡ ମଧ୍ୟରେ ଫେବୃୟାରୀ ୨୪ରୁ ଦିବାରାତ୍ର ଟେଷ୍ଟ ମ୍ୟାଚ୍ ଖେଳାଯିବ। ୪ ମ୍ୟାଚ୍ ବିଶିଷ୍ଟ ଏହି ସିରିଜ ଫେବୃୟାରୀରୁ ଆରମ୍ଭ ହେବ। ଦୁନିଆର ସବୁଠାରୁ ବଡ଼ କ୍ରିକେଟ ପଡ଼ିଆ କୁହାଯାଉଥିବା ଅହମ୍ମଦାବାଦର ମୋଟେରା ଷ୍ଟାଡିୟମରେ ଏହି ମ୍ୟାଚ୍ ଅନୁଷ୍ଠିତ ହେବ। ତେବେ ଏହି ମଇଦାନରେ ୧ ଲକ୍ଷ ୧୦ ହଜାର ଦର୍ଶକେ ବସିବାର କ୍ଷମତା ରହିଥିବା ଭାରତୀୟ କ୍ରିକେଟ କଣ୍ଟ୍ରୋଲ ବୋର୍ଡ(ବିସିସିଆଇ) ସଚିବ ଜୟ ଶାହ ଗୁରୁବାର ସୂଚନା ଦେଇଛନ୍ତି। ତେବେ ଉଭୟ ଟିମ୍ ମଧ୍ୟରେ ୪ ଟେଷ୍ଟ, ୩ ଏକଦିବସୀୟ, ୫ ଟି୨୦ ମ୍ୟାଚ୍ ଖେଳାଯିବ। ସେଥିରୁ ୫ଟି ଯାକ ଟି୨୦ ମ୍ୟାଚ୍ ଅହମ୍ମଦାବାଦରେ ହିଁ ଖେଳାଯିବ। ଏହା ବିରାଟଙ୍କ ଟିମ୍ ପାଇଁ ଆସନ୍ତା ଟି୨୦ ବିଶ୍ୱକପ୍ ପାଇଁ ଭଲ ପ୍ରସ୍ତୁତି ହେବ ବୋଲି କୁହାଯାଉଛି।
