କୋଲକାତା୨୬।୧୨ : ଆଇପିଏଲ ୨୦୨୪ ପୂର୍ବରୁ ବିସିସିଆଇ ଆକ୍ସନ ମୋଡରେ ଅଛି। ପୂର୍ବରୁ ଭାରତ ସରକାର ଚାଇନାର ବ୍ରାଣ୍ଡ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିଥିଲେ। ବର୍ତ୍ତମାନ ବିସିସିଆଇ ମଧ୍ୟ ଚାଇନାର ବ୍ରାଣ୍ଡ ବିରୋଧରେ ବଡ ପଦକ୍ଷେପ ନେବାକୁ ଯୋଜନା କରୁଛି। ଆଇପିଏଲ କେବଳ ପ୍ରଶଂସକଙ୍କୁ ଉତ୍ସାହିତ କରେ ନାହିଁ, ଏହା ଅନେକ ବ୍ରାଣ୍ଡକୁ ମଧ୍ୟ ପ୍ରୋତ୍ସାହିତ କରେ । ଆଇପିଏଲ ମ୍ୟାଚ ସମୟରେ, ବିଭିନ୍ନ ବ୍ରାଣ୍ଡକୁ ଗ୍ରାଉଣ୍ଡରେ ବଡ ପୋଷ୍ଟର ଲଗାଇ ପ୍ରୋତ୍ସାହିତ କରାଯାଇଥାଏ। କିନ୍ତୁ ଏଥର ବିସିସିଆଇ ଚାଇନାକୁ ଏକ ବଡ ଝଟକା ଦେଇପାରେ । ଚାଇନା ସୈନିକମାନେ କ୍ରମାଗତ ଭାବରେ ଭାରତୀୟ ସୀମାରେ ଅନୁପ୍ରବେଶ କରିବାକୁ ଚେଷ୍ଟା କରୁଛନ୍ତି, ଏହି କାରଣରୁ ବିସିସିଆଇ ବଡ ପଦକ୍ଷେପ ନେବାକୁ ନିଷ୍ପତ୍ତି ନେଇଛି।
ଏହି ବଡ ଟୁର୍ନାମେଣ୍ଟ ପୂର୍ବରୁ ବିସିସିଆଇ କହିଛି କୌଣସି ବ୍ରାଣ୍ଡ ଯାହାର ସମ୍ପର୍କ ଭାରତ ସରକାରଙ୍କ ସହ ଭଲ ନୁହେଁ, ସେହି ବ୍ରାଣ୍ଡଗୁଡିକ ଆସନ୍ତା ଆଇପିଏଲ ସିଜିନରେ ବିସିସିଆଇ ଦ୍ୱାରା ପ୍ରାୟୋଜିତ ହେବ ନାହିଁ। କୁହାଯାଉଛି ଚାଇନା ସୈନିକଙ୍କ ଅନୁପ୍ରବେଶ ଯୋଗୁ ବିସିସିଆଇ ଏହି ନିଷ୍ପତ୍ତି ନେଇଛି। କେଉଁ ବ୍ରାଣ୍ଡ ବିସିସିଆଇ ପ୍ରାୟୋଜକ ହେବ ନାହିଁ ତାହାର ତାଲିକା ଏପର୍ଯ୍ୟନ୍ତ ପ୍ରକାଶ କରାଯାଇ ନାହିଁ। ଯଦିଓ ଏହା ଏପର୍ଯ୍ୟନ୍ତ ନିଶ୍ଚିତ ହୋଇନାହିଁ ଯେ ବିସିସିଆଇ ଏହି ପଦକ୍ଷେପ ନେବାକୁ ଯାଉଛି, କିନ୍ତୁ ବିସିସିଆଇ ଚାଇନାର ବ୍ରାଣ୍ଡ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିବାର ସମ୍ଭାବନା ରହିଛି।
ମୋଟ ୧୦ ଟି ଟିମ ଆଇପିଏଲ ୨୦୨୪ ରେ ଭାଗ ନେବାକୁ ଯାଉଛନ୍ତି। ମାର୍ଚ୍ଚ କିମ୍ବା ଏପ୍ରିଲ ମାସରେ କ୍ରିକେଟର ସବୁଠାରୁ ବଡ ଟୁର୍ନାମେଣ୍ଟ ଆଇପିଏଲ ଆରମ୍ଭ ହେବ। ଏହା ପରେ ଏହାର ଅନ୍ତିମ ମ୍ୟାଚ ଜୁନ ମାସରେ ଖେଳାଯିବ। ଏହି ଟୁର୍ନାମେଣ୍ଟରେ ମୋଟ ୭୦ ଟି ମ୍ୟାଚ ଖେଳାଯିବ ।
The BCCI unlikely to allow Chinese brands for IPL title sponsorship. (Cricbuzz). pic.twitter.com/XeNpe49ezg
— Mufaddal Vohra (@mufaddal_vohra) December 26, 2023
News About IPL :-
The BCCI unlikely to allow Chinese brands for IPL title sponsorship.
[ Source – Cricbuzz ] pic.twitter.com/zPtXuJBrJt
— Jay. (@Jay_Cricket18) December 26, 2023
