ଭୁବନେଶ୍ୱର,୧୨ା୧୦(ବ୍ୟୁରୋ): ଖୋର୍ଦ୍ଧା ଜିଲା ଓ ଭୁବନେଶ୍ୱରର କୌଣସି ସରକାରୀକୁ ଜମିକୁ କେହି ଜବରଦଖଲ କରି ବେଆଇନ ନିର୍ମାଣ କରୁଥିଲେ ଲୋକେ ସିଧାସଳଖ ଉଚ୍ଛେଦ ଅଧିକାରୀଙ୍କୁ ଜଣାଇପାରିବେ। ଏଥିପାଇଁ ଭୁବନେଶ୍ୱର ଉନ୍ନୟନ କର୍ତ୍ତୃପକ୍ଷ (ବିଡିଏ) ପକ୍ଷରୁ ରବିବାର ଭୁବନେଶ୍ୱର ଲ୍ୟାଣ୍ଡ ୟୁଜ୍ ଇଣ୍ଟିଲିଜେଣ୍ଟ ସିଷ୍ଟମ (ବ୍ଲୁଇସ୍) ନାମକ ଏକ ନୂଆ ଆପ୍ ଜାରି କରାଯାଇଛି। ଲୋକେ ଏହି ଆପ୍କୁ ଗୁଗଲ୍ ପ୍ଲେ ଷ୍ଟୋରରୁ କିମ୍ବା ଆପଲ୍ ଆଇ ଷ୍ଟୋରରୁ ଇନ୍ଷ୍ଟଲ କରି ଅଭିଯୋଗ କରିପାରିବେ। ସୂଚନା ମୂତାବକ, କୌଣସି ଜବରଦଖଲକୁ ଅଧିକାରୀଙ୍କୁ ରିପୋର୍ଟ କରିବାକୁ ହେଲେ ପ୍ରଥମେ ଆପ୍ ଇନ୍ଷ୍ଟଲ କରିବାକୁ ପଡ଼ିବ। ଆପ୍କୁ ଖୋଲିବା ପରେ ରିପୋର୍ଟ ଆକ୍ଟିଭିଟି ଚୟନ କରି ଜବରଦଖଲରେ ଥିବା ସ୍ଥାନର ଫଟୋ କିମ୍ବା ଭିଡିଓ ସେଠାରେ ଅପ୍ଲୋଡ କରିପାରିବେ। ଏହାପରେ ସେଭ୍ କରିବା ପରେ ସବୁଜ ରଙ୍ଗର ବଟନ୍ ଉପରେ କ୍ଲିକ୍ କରିବାକୁ ପଡିବ। ରିପୋର୍ଟ ସକ୍ସେସ୍ଫୁଲ୍ ବୋଲି ଏକ ମେସେଜ୍ ଆସିବ ଓ ତାହା ଆପ୍ର ମୁଖ୍ୟ ସ୍କ୍ରିନ୍ରେ ଦେଖାଯିବ। ନିଜ ରିପୋର୍ଟ ବିଷୟରେ ଜାଣିବା ପାଇଁ ଆଲର୍ଟ ବଟନ୍ ଅନ୍ କରିବାକୁ ବିଡିଏ ପକ୍ଷରୁ ପରାମର୍ଶ ଦିଆଯାଇଛି।