ଦାରିଙ୍ଗବାଡ଼ି,୧୩ା୭(ଅରୁଣ ସାହୁ): କନ୍ଧମାଳ ଜିଲା ଦାରିଙ୍ଗବାଡ଼ି ବ୍ଲକ ସିମନବାଡ଼ି ପଞ୍ଚାୟତ ଅଞ୍ଚଳକୁ ଗୁରୁବାର ଦାରିଙ୍ଗବାଡ଼ି ବିଡିଓ ଗଦାଧର ପାତ୍ର ଗସ୍ତ କରିଛନ୍ତି। ସେ ଉକ୍ତ ପଞ୍ଚାୟତର ଦଡିବାଡ଼ି ଗାଁ ସମେତ କୁଡ଼ିମୁଞ୍ଜା, ଲାରିବାଡ଼ି, ସିମନବାଡ଼ି ଆଦି ଅଞ୍ଚଳରେ ଚାଲିଥିବା ବିଭିନ୍ନ ପ୍ରକଳ୍ପ ବୁଲି ଦେଖିଥିଲେ। ସିମନବାଡ଼ି ପୋଖରୀ ପୁନରୁଦ୍ଧାର ଜଗନ୍ନାଥ ମନ୍ଦିର କାର୍ଯ୍ୟ ସମେତ ଲାରିବାଡି ବିଦ୍ୟାଳୟକୁ ଯାଇ ଛାତ୍ରୀଛାତ୍ରଙ୍କୁ କିଛି ସମୟ ବିଭିନ୍ନ ପାଠ ସମ୍ପର୍କରେ ପଚାରି ବୁଝିବା ସହ ବିଦ୍ୟାଳୟ ପାଚେରି ନିର୍ମାଣ କାର୍ଯ୍ୟ ଦେଖିଥିଲେ। କାର୍ଯ୍ୟଗୁଡ଼ିକ ଶୀଘ୍ର ସାରିବାକୁ ଗ୍ରାମ ରୋଜଗାର ସେବକ କେଦାରନାଥ ସାହୁଙ୍କୁ ପରାମର୍ଶ ଦେଇଥିଲେ। ସେହିପରି ଅଙ୍ଗନଓ୍ବାଡି କେନ୍ଦ୍ରକୁ ଯାଇ ଛତୁଆ ସହ ଶିଶୁଙ୍କ ଖାଦ୍ୟ ଯାଞ୍ଚ କରିବା ସହ ସେଠାକାର ସମସ୍ୟା ସମ୍ପର୍କରେ ପଚାରି ବୁଝିଥିଲେ। ସେହିପରି ଉକ୍ତ ପଞ୍ଚାୟତରେ ଏମ୍ଜିଏନ୍ଆର୍ଜିଏସ୍ ଯୋଜନାରେ କାର୍ଯ୍ୟରେ ଏକାଧିକ ପ୍ରକଳ୍ପରେ ଅର୍ଥ ତୋଷାରପାତ କରାଯାଉଥିବା ଅଭିଯୋଗ ହୋଇଥିଲା। ସେହି ଯୋଜନାରେ ଚାଲିଥିବା କିଛି ପ୍ରକଳ୍ପକୁ ଯାଇ ଦେଖିବା ସହ କାର୍ଯ୍ୟ ସମ୍ପର୍କରେ ଜିଆର୍ଏସ କେଦାର ସାହୁଙ୍କ ସହ ଆଲୋଚନା କରିଥିଲେ।
