ନୂଆଦିଲ୍ଲୀ,୩।୬: ସମ୍ପ୍ରତି ଏକ ମିଛ ହ୍ବାଟସ୍ଆପ୍ ମେସେଜ୍ ମୋବାଇଲ୍ ୟୁଜରଙ୍କ ପାଖକୁ ଅସୁଛି। ଭାରତ ସରକାର ୧୦ କୋଟି ମୋବାଇଲ ୟୁଜରଙ୍କୁ ୩ ମାସର ମାଗଣା ଇଣ୍ଟରନେଟ୍ ଫ୍ରି ଦେଉଥିବା ନେଇ ସେମେଜ୍ରେ ଉଲ୍ଲେଖ କରାଯାଉଛି। ଏହା ସହିତ ଏକ ଲିଙ୍କ୍କୁ କ୍ଲିକ୍ କରିବାକୁ ୟୁଜରଙ୍କୁ କୁହାଯାଉଛି। ଏଥିରେ କ୍ଲିକ୍ କରିବା ପରେ ପ୍ଲାନ୍ ଚୟନ କରିବାକୁ କୁହାଯାଉଛି। ,ହାପରେ ୧୦ ଜଣ ୟୁଜରଙ୍କୁ ଏହା ଶେୟାର କରିବାକୁ ନିର୍ଦ୍ଦେଶ ଦିଆଯାଉଛି। ଏଥିରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଫଟୋକୁ ମଧ୍ୟ ସାମିଲ କରାଯାଇଛି। ତେବେ ଏହାର ତଦନ୍ତ କରି ପିଆଇବି ପକ୍ଷରୁ କୁହାଯାଇଛି ଯେ, ଏହା ଏକ ମିଥ୍ୟା ମେସେଜ୍ ଭାରତ ସରକାରଙ୍କ ପକ୍ଷରୁ ଏଭଳି କୌଣସି ଯୋଜନା ସମ୍ପର୍କରେ ଘୋଷଣା କରାଯାଇ ନାହିଁ। ଏହି ମେସେଜ୍ ପ୍ରତି ସାବଧାନ ରହିବାକୁ ପିଆଇବି କହିଛି। ଲିଙ୍କ୍ ମାଧ୍ୟମରେ ମୋବାଇଲରେ ସଫ୍ଟଓ୍ବେର ଭାଇରସ୍ ପ୍ରବେଶ କରିବା ସହିତ ଡାଟା ଚୋରୀ ହେବାର ଆଶଙ୍କା ରହିଥିବା ପିଆଇବି ପକ୍ଷରୁ ସତର୍କ ସୂଚନା ଜାରି କରାଯାଇଛି।