ଆପଣଙ୍କ ହେଲମେଟ ଘରକୁ କରୋନା ଭାଇରସ୍ ଆଣୁ ନାହିଁ ତ? ଏହି ପ୍ରଶ୍ନ ଶୁଣି ଆପଣ ଟିକେ ଅଜବ ଅନୁଭବ କରିପାରନ୍ତି, କିନ୍ତୁ ବର୍ତ୍ତମାନ ଏହି ପ୍ରଶ୍ନଟି ଆପଣ ଏବଂ ଆପଣଙ୍କ ପରିବାରର ସୁରକ୍ଷା ପାଇଁ ଅତ୍ୟନ୍ତ ଗୁରୁତ୍ୱପୂର୍ଣ୍ଣ। ଦେଶରେ କରୋନା ସଂକ୍ରମିତଙ୍କ ସଂଖ୍ୟା ପ୍ରାୟ ୬.୫ଲକ୍ଷରେ ପହଞ୍ଚିଛି। ଏଭଳି ପରିସ୍ଥିତିରେ ଟିକିଏ ଅବହେଳା ଅତ୍ୟନ୍ତ ମହଙ୍ଗା ପଡ଼ିପାରେ। ତେବେ ଜାଣନ୍ତୁ ଏ ସମ୍ପର୍କରେ…
ମାସ୍କ ହେଉ କି ହେଲ୍ମେଟ ଆପଣଙ୍କୁ ସଂକ୍ରମିତ ବ୍ୟକ୍ତିଙ୍କ ସଂସ୍ପର୍ଶରେ ଆସିବାକୁ ନିଶ୍ଚିତ ରୋକିପାରେ। ମାତ୍ର ଯେତେବେଳେ ଦରକାର ପଡ଼େ ଆପଣଙ୍କ(ବନ୍ଧୁ, ସହକର୍ମୀ କିମ୍ବା ପରିବାର ସଦସ୍ୟ) ଆପଣ ଚଳାଉଥିବା ଦୁଇ ଚକିଆ ଯାନ ବ୍ୟବହାର କରିବାକୁ ମାଗିଥାନ୍ତି। ଏକ ଛୋଟ ଉଦାହରଣ, ଯଦି ଆପଣଙ୍କ ବନ୍ଧୁ ଅସୁବିଧାରେ ପଡ଼ି କିଛି ସମୟ ପାଇଁ ବାଇକ୍ କିମ୍ବା ସ୍କୁଟର ମାଗନ୍ତି ତେବେ ଆପଣ ମନା କରିପାରିନ୍ତିନି। ତାଙ୍କୁ ଦେଇଥାନ୍ତି। ଏହି ସମୟରେ ଆପଣଙ୍କୁ ହେଲମେଟ୍ ମଧ୍ୟ ଦେବାକୁ ପଡ଼ିବ।
ତେବେ ବର୍ତ୍ତମାନ ଦେଶରେ କରୋନା ଦ୍ରୁତ ଗତିରେ ବୃଦ୍ଧି ପାଉଛି। ଆଉ ଏହି ପରିସ୍ଥିତିରେ ଆପଣ ହେଲମେଟ୍ ଅନ୍ୟ ଜଣକୁ ଦେବା ବିପଜ୍ଜନକ ନୁହେଁ କି? କାରଣ ଆପଣ ଜାଣି ନାହାନ୍ତି କି ସାମ୍ନାରେ ଥିବା ବ୍ୟକ୍ତି କରୋନା ଦ୍ୱାରା ସଂକ୍ରମିତ ହୋଇଛନ୍ତି କି ନାହିଁ। ଅର୍ଥାତ୍ ସେହି ବ୍ୟକ୍ତି ମଧ୍ୟ ଜାଣିନାହାନ୍ତି ଆପଣ ସଂକ୍ରମିତ ହୋଇଛନ୍ତି କି ନାହିଁ? ତେଣୁ କରୋନା ସମୟରେ କାହାଠାରୁ ହେଲ୍ମେଟ୍ ଆଣନ୍ତୁ ନାହିଁ କିମ୍ବା ଦିଅନ୍ତୁ ନାହିଁ। ଫଳରେ ଆପଣ ନିଜେ ସୁରକ୍ଷିତ ରହିବା ସହ ପରିବାର ସଦସ୍ୟମାନେ ମଧ୍ୟ ସୁରକ୍ଷିତ ରହିପାରିବେ।