ଭୁବନେଶ୍ୱର,୩୦ା୬(ବ୍ୟୁରୋ): ସୋସିଆଲ ମିଡିଆ ବ୍ୟବହାରକାରୀଙ୍କ ପାଇଁ କ୍ରାଇମବ୍ରାଞ୍ଚ ଗାଇଡ୍ଲାଇନ୍ ଜାରି କରିଛି। ଆକାଉଣ୍ଟ ଖୋଲିବା ସମୟରେ ସତର୍କ ରହିବାକୁ କୁହାଯାଇଛି। ଏହା ସହିତ ସୋସିଆଲ ମିଡିଆରେ ନିଜର ଅତି ଗୋପନୀୟ ତଥ୍ୟ ନ ଦେବାକୁ ପରାମର୍ଶ ଦିଆଯାଇଛି।
ସେହିପରି ଅଜଣା ବ୍ୟକ୍ତିଙ୍କୁ ଫ୍ରେଣ୍ଡ୍ ରିକ୍ୱେଷ୍ଟ ପଠାନ୍ତୁ ନାହିଁ କି ଗ୍ରହଣ କରନ୍ତୁ ନାହିଁ। ସୋସିଆଲ ମିଡିଆରେ ଖରାପ ତଥ୍ୟ କିମ୍ବା ମତାମତ ଆଦୌ ଦିଅନ୍ତୁ ନାହିଁ । ଜଣେ ବ୍ୟକ୍ତି ଏକାଧିକ ଆକାଉଣ୍ଟ ଖୋଲନ୍ତୁ ନାହିଁ । ମେସେଜ୍ ଫରୱାର୍ଡ ପୂର୍ବରୁ ସାବଧାନ ଓ ସତର୍କ ରୁହନ୍ତୁ । ମାଗଣା ଓ୍ବାଇଫାଇ ବ୍ୟବହାର ବେଳେ ସାବଧାନତା ଅବଲମ୍ବନ କରନ୍ତୁ । ଆପଣଙ୍କ ପାଖକୁ ଆସୁଥିବା ଲିଙ୍କ୍, ଭିଡିଓ ତଥା ଅଡିଓ ଫାଇଲକୁ ଭଲ ଭାବେ ଯାଞ୍ଚ କରନ୍ତୁ। କୌଣସି ଅଜଣା ଲିଙ୍କକୁ ହଠାତ୍ କ୍ଲିକ୍ କରନ୍ତୁ ନାହିଁ । ଅଜଣା ମେଲରୁ ଡାଉନଲୋଡ କରନ୍ତୁ ନାହିଁ। କାରଣ ଏଥିରେ ଭାଇରସ ଥାଇପାରେ ଯାହାକି ଆପଣଙ୍କ ତଥ୍ୟ ଚୋରି ହେବାର ସମ୍ଭାବନା ରହିଛି ବୋଲି ପୋଲିସ ପକ୍ଷରୁ ଟୁଇଟ୍ ମାଧ୍ୟମରେ କୁହାଯାଇଛି।