ପଦ୍ମପୁର,୧୮।୨: ପୁଅଙ୍କ ଲୁହାରଡ଼ ମାଡ଼ରେ ବାପା ମୃତ। ଏଭଳି ହୃଦୟ ବିଦାରକ ଘଟଣା ଘଟିଛି ଭଦ୍ରକ ଜିଲା ବାସୁଦେବପୁର ବ୍ଲକ ଅଧୀନ କଷିଆ ସାମୁଦ୍ରିକ ଥାନା ଅଧୀନ ଗୋପବନ୍ଧୁ ନଗର ପଞ୍ଚାୟତ ବୁଢୀଛକଠାରେ । ମୃତ ବ୍ୟକ୍ତି ହେଲେ ଦୁଃଖିରାମ ମଣ୍ଡଳ (୬୫)। ଘରୋଇ କଳିକୁ ନେଇ ତାଙ୍କ ପୁଅ ବାଇଧର ମଣ୍ଡଳ ଏକ ଲୁହାରଡ଼ ସାହାଯ୍ୟରେ ତାଙ୍କୁ ଆକ୍ରମାଣ କରିଥିଲେ। ଗୁରୁତର ଅବସ୍ଥାରେ ତାଙ୍କୁ ବାସୁଦେବ ପୁର ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରକୁ ନେଇଥିବା ବେଳେ ଡାକ୍ତର ତାଙ୍କୁ ମୃତ ଘୋଷଣା କରିଛନ୍ତି। ଖବରପାଇ କଷିଆ ଥାନାଧିକାରୀ ସାବିତ୍ରୀ ପଣ୍ଡା,ଏସ୍ଆଇ ରାମଦାସ ବେସରା, ହାବିଲଦାର ରମେଶ ନାୟକ ଘଟଣା ସ୍ଥଳରୁ ଅଭିଯୁକ୍ତଙ୍କୁ ଗିରଫ କରି ଅଧିକ ତଦନ୍ତ ଚଳାଇଛନ୍ତି।
