ନୂଆଦିଲ୍ଲୀ,୨୭।୧: ଚିନ୍ତାରେ ଇଂଲଣ୍ଡ କୋଚ୍ କ୍ରିସ୍ ସିଲ୍ଭରହୁଡ୍। ଅଷ୍ଟ୍ରେଲିଆ ବିପକ୍ଷ ସିରିଜ୍ ଦେଖିବା ପରେ ଭାରତୀୟ ଟିମ୍କୁ ହରାଇବା କଠିନ ହେବ। ଆଗାମୀ ଟେଷ୍ଟ ସିରିଜ୍ରେ ଭାରତକୁ ହରାଇବା ପାଇଁ ଇଂଲଣ୍ଡକୁ ସର୍ବଶ୍ରେଷ୍ଠ ପ୍ରଦର୍ଶନ କରିବାକୁ ପଡ଼ିପାରେ ବୋଲି ସେ କହିଛନ୍ତି।
ଫିଟ୍ନେସ୍ ସମସ୍ୟା ଯୋଗୁ ଦଳରୁ ପ୍ରମୁଖ ଖେଳାଳି ବାଦ୍ ପଡ଼ିବା ପରେ ଯୁବ ଖେଳାଳିଙ୍କୁ ଧରି ପଡ଼ିଆକୁ ଓହ୍ଲାଇଥିଲା ଭାରତୀୟ ଟିମ୍। ୪ ମ୍ୟାଚ୍ ବିଶିଷ୍ଟ ସିରିଜ୍କୁ ଦଳ ୨-୧ରେ ଜିତି ନେଇଥିଲା। ନିକଟରେ ସିଲ୍ଭରହୁଡ୍ ଏକ ଭର୍ଚୁଆଲ ପ୍ରେସ୍ କନ୍ଫରେନ୍ସରେ ଭାରତ ବିପକ୍ଷରେ ଖେଳାଯିବାକୁ ଥିବା ସିରିଜ ନେଇ କହିଛନ୍ତି, ଭାରତକୁ ହରାଇବା କଷ୍ଟକର ହେବ। ଆମ ସମ୍ମୁଖରେ ଏହା ବଡ ଆହ୍ବାନ ପାଲଟିଛି। ଭାରତୀୟ ଟିମ୍ ଏବେ ଭଲ ଖେଳୁଛି। ବିଶେଷକରି ସ୍ବଦେଶରେ ତାକୁ ହରାଇବା କଠିନ ହେଲେ ହେଁ ରୋମାଞ୍ଚକର ହେବ ବୋଲି କୋଚ୍ କହିଛନ୍ତି।
ପ୍ରକାଶ ଯେ, ଫେବୃୟାରୀ ୫ରୁ ଖେଳାଯିବାକୁ ଥିବା ସିରିଜ୍ରେ ୪ ଟେଷ୍ଟ, ୫ ଟି୨୦ ଏବଂ ୩ ଦିନିକିଆ ମ୍ୟାଚ୍ ଖେଳାଯିବ। ସିରିଜର ପ୍ରଥମ ଦୁଇ ଟେଷ୍ଟ ଚେନ୍ନାଇରେ ଖେଳାଯିବ। ଏହାପରେ ତୃତୀୟ ଏବଂ ଚତୁର୍ଥ ଟେଷ୍ଟ ଅହମ୍ମଦାବାଦରେ ଖେଳାଯିବ। ସିରିଜର ତୃତୀୟ ଟେଷ୍ଟ ଦିବାରାତ୍ର ରହିଛି।
