ମୁମ୍ବାଇ,୨୧।୨: କରିନା କପୁର ଖାଁ ଏବଂ ଶୈଫ୍ ଅଲ୍ଲୀ ଖାଁ ପୁଣି ଥରେ ମାତାପିତା ହୋଇଛନ୍ତି। ରବିବାର ଭୋର୍ ୪ଟା ୪୫ରେ ବ୍ରିଜ୍ କ୍ୟାଣ୍ଡି ହସ୍ପିଟାଲରେ ବେବୋ ପୁତ୍ର ସନ୍ତାନଙ୍କୁ ଜନ୍ମ ଦେଇଛନ୍ତି। ୨୦୧୬ରେ ବଡ଼ ପୁଅ ତୈମୁର ଜନ୍ମ ହୋଇଥିଲେ। ପୁଣି କରିନା ମା‘ ହେବାକୁ ଯାଉଛନ୍ତି ବୋଲି ୨୦୨୦ ଅଗଷ୍ଟରେ ସେମାନେ ସୂଚନା ଦେଇଥିଲେ। ତୈମୁର ବଡ଼ ଭାଇ ହେବାକୁ ଯାଉଥିବା ନେଇ ସେମାନେ ସୋସିଆଲ୍ ମିଡ଼ିଆରେ ପ୍ରକାଶ କରିଥିଲେ। ଗର୍ଭବତୀ ଥିବା ସମୟରେ ମଧ୍ୟ କରିନା କେତେକ କାମରେ ବ୍ୟସ୍ତ ଥିବାରୁ ଏହାକୁ ନେଇ ପ୍ରଶଂସକଙ୍କ ପକ୍ଷରୁ ସକାରାତ୍ମକ କମେଣ୍ଟ ଦିଆଯାଇଥିଲା। ପୁତ୍ର ସନ୍ତାନ ଜନ୍ମ ପରେ କରିନା ଏବଂ ଶୈଫ୍ଙ୍କୁ ପ୍ରଶଂସକଙ୍କୁ ଅଭିନନ୍ଦନ ଜଣାଇଛନ୍ତି। ସୂଚନାଯୋଗ୍ୟ, ୨୦୧୨ ଅକ୍ଟୋବର ୧୬ରେ କରିନା-ଶୈଫ୍ ବିବାହ କରିଥିଲେ। ଏହାର ୪ ବର୍ଷ ପରେ ୨୦୧୬ରେ ପ୍ରଥମ ପୁତ୍ର ସନ୍ତାନ ତୈମୁରଙ୍କ ଜନ୍ମ ହୋଇଥିଲା। ଏବେ ପୁଣି ପ୍ରାୟ ୪ ବର୍ଷ ପରେ ଦ୍ୱିତୀୟ ପୁତ୍ର ସନ୍ତାନଙ୍କ ଜନନୀ ପାଲଟିଛନ୍ତି ବେବୋ। ୧୯୮୦ ସେପ୍ଟେମ୍ବର ୨୧ରେ ଜନ୍ମ ହୋଇଥିବା କରିନାଙ୍କୁ ଏବେ ୪୦ ବର୍ଷ।
