ମୁମ୍ବାଇ: ବଲିଉଡ୍ ବେବୋ କରିନ କପୁର ଖାଁ ଅଧିକାଂଶ ସମୟରେ ଥାଆନ୍ତି ଚର୍ଚ୍ଚାରେ । ନିଜ ଫିଲ୍ମକୁ ନେଇ ହେଉ ଅବା ନିଜ ସୌନ୍ଦର୍ଯ୍ୟକୁ ପୁଣି କେବେ କେବେ ଫିଟନେସକୁ ନେଇ ଚର୍ଚ୍ଚାରେ ଥାଆନ୍ତି କରିନା । ପ୍ରଥମରୁ ଟିକେ ମୋଟା ଥିବା କରିନା କିନ୍ତୁ ଏବେ ତାଙ୍କ ଫିଟସେନ୍ ଉପରେ ଖୁବ୍ ଧ୍ୟାନ ଦେଉଛନ୍ତି । ଖାଇବାକୁ ପସନ୍ଦ କରୁଥିବା କରିନା ଆଜିବି ତାଙ୍କ ଜେଜେମା ଓ ଆଇଙ୍କ ହାତରନ୍ଧାକୁ ପସନ୍ଦ କରନ୍ତି ବୋଲି କୁହନ୍ତି । ନିକଟରେ ଏକ ସାକ୍ଷାତ୍କାରରେ କରିନା କହିଛନ୍ତି ପିଲାଦିନେ କପୁର ପରିବାରର ସବୁ ପିଲାମାନେ ପାୟା ସୁପ୍ ପିଇ ବଡ ହୋଇଛନ୍ତି । ଏମିତିକି ତୈମୁରଙ୍କ ଜନ୍ମ ପୂର୍ବରୁ ବି ସେ ପାୟା ସୁପ ପିଉଥିବା କହିଛନ୍ତି । ଯଦିଓ ସେ ଏକ ପ୍ରକାର ଭେଜିଟେରିଆନ୍ କହିଲେ ଚଳେ । କାରଣ କରିନା କୁହନ୍ତି ତାଙ୍କର ପସନ୍ଦର ଖାଦ୍ୟ ହେଉଛି ଡାଲି ଖେଚିଡି ନଚେତ୍ ଭାତ ଡାଲି । ଏହାକୁ ଖାଇ ସେ ରହି ପାରନ୍ତି । ବର୍ଷକରେ ଥରେ ସେ ଚିକେନ୍ ଅବା ମାଛ ଖାଆନ୍ତି ବୋଲି କୁହନ୍ତି । ଯଦିଓ ତାଙ୍କୁ ରେଡ ମିଟ୍ ପସନ୍ଦ ନୁହେଁ ତଥାପି ସେ ପାୟା ସୁପ୍ ଖୁବ୍ ପସନ୍ଦ କରନ୍ତି ।