ମୁମ୍ବାଇ:ଜଣେ ନାୟିକାର ଶାରୀରିକ ଗଠନ ଆକର୍ଷଣୀୟ ହେବା ଦରକାର। ସୁନ୍ଦର ଶରୀର ଥିବା ନାୟିକାଙ୍କୁ ଦର୍ଶକ ସ୍କ୍ରିନ୍ରେ ଦେଖିବାକୁ ଭଲପାଆନ୍ତି ବୋଲି ଏକ ଭୁଲ୍ ଧାରଣା ଲୋକଙ୍କ ମଧ୍ୟରେ ରହିଥିବା ଅଭିନେତ୍ରୀ ରାଧିକା ଆପତେ କହିଛନ୍ତି। ତେବେ ନିଜର ଦୁର୍ବଳ ଶରୀର ପାଇଁ ରାଧିକାଙ୍କୁ ବହୁବାର ରିଜେକ୍ସନର ଶିକାର ହେବାକୁ ପଡ଼ିଥିବା ସେ ନିଜର ଏକ ସାକ୍ଷାତ୍କାର ଜରିଆରେ କହିଛନ୍ତି। ୧୭ ବର୍ଷର ଫିଲ୍ମ କ୍ୟାରିୟର୍ ଭିତରେ ଅନେକ ବାଧାବିଘ୍ନର ସମ୍ମୁଖୀନ ହୋଇଛନ୍ତି। ତେବେ ଯେଉଁ ଅଭିନେତ୍ରୀମାନଙ୍କର ବୃହତ୍ ବକ୍ଷ ଏବଂ ବଡ଼ ଓଠ ରହିଥାଏ ସେମାନଙ୍କୁ ଫିଲ୍ମ ସାଇନ୍ କରାଯାଉଥିବା ସେ କହିଛନ୍ତି। କେବଳ ବକ୍ଷ କି ଓଠ ପାଇଁ ନୁହେଁ କେତେବେଳେ ତାଙ୍କ ନାକ ତ ଆଉ କେତେବେଳେ ତାଙ୍କ କେଶ ପାଇଁ ରାଧିକାଙ୍କ ହାତରୁ ଅନେକ ପ୍ରୋଜେକ୍ଟ ଚାଲିଯାଇଛି। ଉଭୟ ହିନ୍ଦୀ ଏବଂ ସାଉଥ୍ ଇଣ୍ଡଷ୍ଟ୍ରିରେ କାମ କରିଥିବା ରାଧିକା ଏବେ ଓଟିଟି ପ୍ଲାଟଫର୍ମରେ ବେଶ୍ ସକ୍ରିୟ। ଏକାଧିକ ହିଟ୍ ଓ୍ବେବ୍ ସିରିଜ୍ରେ ସେ ଅଭିନୟ କରିଛନ୍ତି।