ବଲିଉଡ୍ ଅଭିନେତ୍ରୀ ରିୟା ସେନ୍ ‘ଚୁଡି ଯୋ ଖନ୍କେ ହାଥୋ ମୈ…’ ମ୍ୟୁଜିକ୍ ଭିଡିଓରୁ ଚର୍ଚ୍ଚାକୁ ଆସିଥିଲେ। ଏହା ପରେ ସେ ଦର୍ଶକଙ୍କ ହୃଦୟରେ ରାଜ୍ କରିବା ଆରମ୍ଭ କରିଥିଲେ। ଏମିତିରେ ବି ଅଭିନୟ ତାଙ୍କ ରକ୍ତରେ ରହିଛି। ରିୟା ଲୋକପ୍ରିୟ ବଙ୍ଗଳା ଅଭିନେତ୍ରୀ ମୁନ୍ମୁନ୍ ସେନ୍ଙ୍କ ଝିଅ। ୧୯୯୧ରେ ରିଲିଜ୍ ହୋଇଥିବା ଫିଲ୍ମ ‘ବିଷକନ୍ୟା’ରେ ଅଭିନେତ୍ରୀ ପୂଜା ବେଦୀ ଲିଡ୍ ଚରିତ୍ରରେ ଅଭିନୟ କରିଥିଲେ। ରିଆ ତାଙ୍କ ପିଲାବେଳ ଚରିତ୍ରରେ ଅଭିନୟ କରିଥିଲେ। ପରେ ବଲିଉଡ୍ ସମେତ ସେ ବଙ୍ଗଳା, ତାମିଲ, ତେଲୁଗୁ, ମାଲୟାଲମ ସମେତ ଇଂଲିଶ ସିନେମାରେ ମଧ୍ୟ କାମ କରିଛନ୍ତି। କିନ୍ତୁ ଧୀରେ ଧୀରେ ତାଙ୍କୁ ବଲିଉଡ୍ ସିନେମାରେ କମ୍ ଦେଖିବାକୁ ମିଳିଲା। ଏ ନେଇ ଏକ ସାକ୍ଷାତକାରରେ ରିୟା କୁହନ୍ତି, ସେ ଅନେକ ହିଟ୍ ଫିଲ୍ମରେ କାମ କରିଛନ୍ତି। ଏମିତି ମଧ୍ୟ ଅନେକ ସିନେମା ରହିଛି ଯେଉଁଥିରେ ସେକ୍ସି ଦେଖାଯିବା, ତାଙ୍କ ପୋଷାକ ଏବଂ ମେକ୍ଅପ୍କୁ ନେଇ ସେ ଆଦୌ ହେଲେ ଫିଟ୍ ନ ଥିଲେ। ଏଥିପାଇଁ ଲୋକେ ତାଙ୍କୁ ଖରାପ ଅଭିନେତ୍ରୀ ଭାବିବାକୁ ଲାଗିଲେ। ଏହାପରେ ସେ ବଲିଉଡ୍ ପାଇଁ ନିଜକୁ ଫିଟ୍ ନ ଭାବି ଦୂରେଇ ଯାଇଥିବା କହିଛନ୍ତି। ଏଥିପାଇଁ ସେ କାହାକୁ ଦୋଷ ମଧ୍ୟ ଦେଉ ନ ଥିବା କହିଛନ୍ତି।
