ସୋନପୁର,୧୩।୫(ମୃତ୍ୟୁଞ୍ଜୟ ଶତପଥୀ): ବଲାଙ୍ଗୀର ଲୋକସଭା ଆସନ ବିଜେଡି ପ୍ରାର୍ଥୀ ସୁରେନ୍ଦ୍ର ସିଂ ଭୋଇ ଏବଂ ବୀରମହାରାଜପୁର ବିଧାନସଭା ପ୍ରାର୍ଥୀ ପଦ୍ମନାଭ ବେହେରା ସୋମବାର ବିନିକା ବ୍ଲକ କଇନ୍ତରା ଗାଁରେ ନିର୍ବାଚନ ପ୍ରଚାର କରୁଥିବା ବେଳେ ଏକ ଅଘଟଣ ଘଟିଛି। ନିର୍ବାଚନ ପ୍ରଚାର ବେଳେ ମହୁମାଛି ଆକ୍ରମଣରେ ପ୍ରାୟ ୨୦ଜଣ ନେତା କର୍ମୀ ଆହତ ହୋଇଛନ୍ତି।
ବିଜେଡି ବିନିକା ବ୍ଳକ ସଭାପତି ଦ୍ୱାରିକାନାଥ ସାହୁଙ୍କ ସୂଚନା ଅନୁଯାୟୀ, ମହୁମାଛି ଆକ୍ରମଣରେ ଲୋକସଭା ପ୍ରାର୍ଥୀ ସୁରେନ୍ଦ୍ର ସିଂ ଭୋଇ ଏବଂ ପଦ୍ମନାଭ ବେହେରା ମଧ୍ୟ ଆହତ ହୋଇଛି।
ମିଳିଥିବା ସୂଚନା ମୁତାବକ, ସୁରେନ୍ଦ୍ର ସିଂ ଏବଂ ପଦ୍ମନାଭ ବେହେରା ବିନିକା ବ୍ଲକ ଅଞ୍ଚଳରେ ଗାଁକୁ ଗାଁ ଯାଇ ପ୍ରଚାର କରୁଥିଲେ I ହେଲେ କଇନ୍ତରା ଗାଁରେ ଡିଜେ ବଜାଇ ପ୍ରଚାର କରାଯାଉଥିବା ବେଳେ ମହୁମାଛି ଉଡି ଆସି ଆକ୍ରମଣ କରିଥିଲା। ଫଳରେ ୨୦ ଜଣ ବିଜେଡି କର୍ମୀ ଆହତ ହୋଇଛନ୍ତି। ସମସ୍ତଙ୍କୁ ବିନିକା ଡାକ୍ତରଖାନାରେ ଭର୍ତ୍ତି କରାଯାଇଥିବା ସୂଚନା ମିଳିଛି।
