ଗୁନା,୧୯।୨ : ମଧ୍ୟପ୍ରଦେଶର ଗୁନାରୁ ଏକ ଆଶ୍ଚର୍ଯ୍ୟଜନକ ଘଟଣା ସାମ୍ନାକୁ ଆସିଛି । ଏକ ବିବାହ ଭୋଜିରେ ସମ୍ପୃକ୍ତ ପରିବାର ଓ ଅତିଥିମାନଙ୍କ ଉପରେ ମହୁମାଛି ଆକ୍ରମଣ କରିଛନ୍ତି। ଏହା ଯୋଗୁ ଲୋକଙ୍କ ମଧ୍ୟରେ ଦଳଚକଟା ଦେଖିବାକୁ ମିଳିଥିଲା। କନ୍ୟାଙ୍କର ପିତା ଏବଂ ଭାଇଙ୍କ ସମେତ ଅନେକ ସମ୍ପର୍କୀୟଙ୍କୁ ମହୁମାଛି ଆକ୍ରମଣ କରିଥିଲେ।
ଏହି ଘଟଣାରେ ୬ ଜଣ ଶିଶୁ ଏବଂ ୧୦ ଜଣ ମହିଳାଙ୍କ ସମେତ ୨୫ ଜଣ ଆହତ ହୋଇଛନ୍ତି। ୩ ଜଣଙ୍କ ଅବସ୍ଥା ଗୁରୁତର ହେବାରୁ, ସେମାନଙ୍କୁ ଏକ ଘରୋଇ ଡାକ୍ତରଖାନାର ଆଇସିୟୁରେ ଭର୍ତ୍ତି କରାଯାଇଛି।
ବାସ୍ତବରେ ଅଗ୍ରୱାଲ ପରିବାର ସହରର କସ୍ତୁରୀ ବଗିଚାରେ ତାଙ୍କ ଝିଇର ବିବାହ ଭୋଜିର ଆୟୋଜନ କରାଯାଇଥିଲା। ପ୍ରମୋଦ ଅଗ୍ରୱାଲ କହିଛନ୍ତି ଏହି ସ୍ଥାନରେ ରହିବା, ଖାଦ୍ୟ ଏବଂ ପାନୀୟ ସହିତ ସମସ୍ତ ବ୍ୟବସ୍ଥା କରାଯାଇଥିଲା। କିନ୍ତୁ, ମହୁମାଛିମାନେ ଆକ୍ରମଣ କରିଥିଲେ। ଫଳରେ ସବୁ ଯୋଜନା ନଷ୍ଟ ହୋଇ ଯାଇଥିଲା। ଏହି ଘଟଣା ସମ୍ପର୍କରେ ଉଦ୍ୟାନ ଅପରେଟର କ୍ଷମା ମାଗିଛନ୍ତି।
ଅନ୍ୟପକ୍ଷରେ ବିବାହ ବଗିଚାରେ ମହୁମାଛି ଆକ୍ରମଣର ଏକ ଭିଡିଓ ମଧ୍ୟ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ଏଥିରେ ଲୋକମାନେ ଜୀବନ ଭୟରେ ଦୌଡୁଥିବା ଦେଖିବାକୁ ମିଳୁଛି। କିଛି ଲୋକ ଭୂମିରେ ଶୋଇପଡ଼ି ନିଜ ଜୀବନ ରକ୍ଷା କରୁଥିବା ଦେଖାଯାଉଛି। ଏହି ଘଟଣାରେ ବିବାହ ଉଦ୍ୟାନ ଅପରେଟରଙ୍କ ଅବହେଳା ସାମ୍ନାକୁ ଆସୁଛି। କୁହାଯାଉଛି ଯେ ସେ ମହୁମାଛି ଫେଣା ହଟାଇ ନ ଥିଲେ। ଏହି କାରଣରୁ ଏହି ଦୁର୍ଘଟଣା ଘଟିଛି।