ବିଟ୍ରୁଟ୍ରେ ଭରିରହିଛି ଅନେକ ସୌନ୍ଦର୍ଯ୍ୟ ବୃଦ୍ଧିକାରୀ ତତ୍ତ୍ୱ…
ବିଟ୍ ରସ ମଧ୍ୟ ଓଠକୁ ଗୋଲାପି କରିବାରେ ବେଶ୍ ଲାଭଦାୟକ। ଏକ ଚାମଚ୍ ବିଟ୍ ରସରେ ୨-୩ ବୁନ୍ଦା ନଡ଼ିଆ ତେଲ ପକାଇ ଭଲ ଭାବେ ମିଶାନ୍ତୁ। ଏହି ମିଶ୍ରଣକୁ ଓଠରେ ଲଗାଇ ୩-୪ ମିନିଟ୍ ପର୍ଯ୍ୟନ୍ତ ଧୀରେ ଧୀରେ ଘଷନ୍ତୁ। ପ୍ରତିଦିନ ଏପରି କଲେ ଆପଣଙ୍କ ଓଠ ମାତ୍ର କିଛିଦିନ ମଧ୍ୟରେ ଗୋଲାପି ହୋଇଯିବ।
ଦୁଇ ଚାମଚ ବିଟ୍ରୁଟ୍ ପେଷ୍ଟ କିମ୍ବା ଦୁଇ ଚାମଚ ବିଟ୍ରୁଟ୍ ପାଉଡର ସହିତ ଦୁଇ ଚାମଚ ଦହି ଏବଂ ଏକ ଚାମଚ ମହୁ ମିଶାଇ ପେଷ୍ଟ ପ୍ରସ୍ତୁତ କରନ୍ତୁ। ଏହି ପ୍ୟାକ୍କୁ ବେକ ଏବଂ ମୁହଁରେ ଭଳ ଭାବେ ଲଗାଇ ୧୫ ମିନିଟ୍ ପର୍ଯ୍ୟନ୍ତ ରଖିବା ପରେ ନଖଉଷୁମ ପାଣିରେ ଧୋଇ ଦିଅନ୍ତୁ। ଏହା ତ୍ୱଚାକୁ ବ୍ରାଇଟ୍ କରିବା ସହ ଏକ ନ୍ୟାଚୁରାଲ୍ ବ୍ଲଶ୍ ମଧ୍ୟ ଦେବ।
ଯେଉଁମାନଙ୍କ ମୁହଁରେ ବାରମ୍ବାର ବ୍ରଣ ସମସ୍ୟା ଦେଖା ଦେଉଛି ସେମାନଙ୍କ ପାଇଁ ବିଟ୍ରୁଟ୍ ଏବଂ ଓଟ୍ମିଲ୍ ମାସ୍କ ବହୁତ ଉପକାରୀ। ଏଥିପାଇଁ ଏକ ଚାମଚ ବିଟ୍ରୁଟ୍ ପେଷ୍ଟ ସହିତ ଦୁଇ ଚାମଚ ଓଟ୍ମିଲ୍ ଏବଂ ଏକ ଚାମଚ ଦହି ନେଇ ପେଷ୍ଟ ପ୍ରସ୍ତୁତ କରନ୍ତୁ। ଏହି ମାସ୍କକୁ ମୁହଁରେ ଲଗାଇ ୨୦ ମିନିଟ୍ ରଖିବା ପରେ ନଖଉଷୁମ ପାଣିରେ ଧୋଇ ଦିଅନ୍ତୁ। ଏହା ମୁହଁରେ ଥିବା ଅଧିକ ତୈଳ ଅଂଶକୁ ବାହାର କରି ବ୍ରଣ ସମସ୍ୟା ଦୂର କରିଥାଏ।
ଦୁଇ ଚାମଚ ବିଟ୍ରୁଟ୍ ପାଉଡର ସହିତ ଦୁଇ ଚାମଚ ଆଲୋଭେରା ଜେଲ୍ ଏବଂ ୪-୫ ବୁନ୍ଦା ରୋଜ୍ ଓ୍ବାଟର୍ ଏବଂ ୨ ବୁନ୍ଦା ଲାଭେଣ୍ଡର ଏସେନ୍ସିଆଲ୍ ଅଏଲ୍ ନେଇ ଭଲ ଭାବେ ମିଶାଇ ଦିଅନ୍ତୁ। ପ୍ରତିଦିନ ରାତିରେ ଶୋଇବା ପୂର୍ବରୁ ଏହି ସେରମ୍କୁ ମୁହଁରେ ଲଗାଇଲେ ତ୍ୱଚା ସଫ୍ଟ ଏବଂ ଗ୍ଲୋଇଂ ଦେଖାଯିବ। ଏହା ମଧ୍ୟ ଟ୍ୟାନିଂ ସମସ୍ୟା ଦୂର କରିବାରେ ସାହାଯ୍ୟ କରିବ।
କେବଳ ଲଗାଇବା ନୁହେଁ ବିଟ୍ରୁଟ୍ ଖାଇବା ଏବଂ ଏହାର ଜୁସ୍ ପିଇବା ଦ୍ୱାରା ଏଥିରେ ଥିବା ଆଣ୍ଟି ଅକ୍ସିଡାଣ୍ଟ ଏବଂ ଭିଟାମିନ୍ ସି ତତ୍ତ୍ୱ ତ୍ୱଚା ଏବଂ କେଶକୁ ହାଇଡ୍ରେଟ୍ ରଖିବା ସହ ଏହାର ସୌନ୍ଦର୍ଯ୍ୟ ବଢ଼ାଇବାରେ ସାହାଯ୍ୟ କରିଥାଏ।