ନୂଆଦିଲ୍ଲୀ,୧।୧୧: ଦୀପାବଳି ପୂର୍ବରୁ ସାଧାରଣ ଲୋକଙ୍କ ଉପରେ ସରକାର ପୁଣି ମହଙ୍ଗା ମାଡ଼ କରିଛନ୍ତିି। ଗ୍ୟାସସିଲିଣ୍ଡର ଦାମ୍ ୨୬୮ ଟଙ୍କା ବଢ଼ିଛି। ଏହାଯୋଗୁ ଖାଉଟିଙ୍କ ଆର୍ଥିକ ମେରୁଦଣ୍ଡ ଭାଙ୍ଗି ଯାଇଛି। ସମ୍ପ୍ରତି ସାଧାରଣ ଲୋକେ ଅତ୍ୟାବଶ୍ୟକ ସାମଗ୍ରୀର ଦରବୃଦ୍ଧିରେ ହନ୍ତସନ୍ତ ହେଉଥିବାବେଳେ ସରକାର ବୋଝ ଉପରେ ନଳିତା ବିଡ଼ା ଲଦି ଦେଇଛନ୍ତି। ନଭେମ୍ବର ୧ ରୁ ଏଲ୍ପିଜି ଗ୍ୟାସ ସିଲିଣ୍ଡରର ମୂଲ୍ୟକୁ ପୁଣି ବୃଦ୍ଧି କରାଯାଇଛି। ଭାରତୀୟ ତୈଳ ନିଗମ (ଆଇଓସି)ର ୧୯ କିଲୋଗ୍ରାମ ବ୍ୟବସାୟିକ ଗ୍ୟାସ ସିଲିଣ୍ଡରର ମୂଲ୍ୟ ସିଲିଣ୍ଡର ପିଛା ୨୬୮ ଟଙ୍କା ବୃଦ୍ଧି ହୋଇଛି।
ଦିଲ୍ଲୀରେ ବ୍ୟବସାୟିକ ଗ୍ୟାସ ସିଲିଣ୍ଡରର ମୂଲ୍ୟ ୨୬୪ ଟଙ୍କା ବୃଦ୍ଧି ପାଇଛି। ଅନ୍ୟପକ୍ଷରେ ମୁମ୍ବାଇ, କୋଲକାତା ଏବଂ ଚେନ୍ନାଇରେ ବ୍ୟବସାୟିକ ଗ୍ୟାସ ସିଲିଣ୍ଡର ଯଥାକ୍ରମେ ୨୬୫, ୨୬୮ ଟଙ୍କା ଏବଂ ୨୬୫.୫୦ ଟଙ୍କା ବଢ଼ିଛି।
ନଭେମ୍ବର ୧ ରୁ ଦିଲ୍ଲୀ, ମୁମ୍ବାଇ, କୋଲକାତା ଏବଂ ଚେନ୍ନାଇରେ ବ୍ୟବସାୟିକ ଗ୍ୟାସ ସିଲିଣ୍ଡର ଯଥାକ୍ରମେ ୨,୦୦୦.୫, ୧,୯୫୦, ୨,୦୭୩.୫ ଏବଂ ୨.୧୩୩ ଟଙ୍କା ଛୁଇଁଛି। ତେବେ ତୈଳ ମାର୍କେଟିଂ କମ୍ପାନୀଗୁଡ଼ିକ ୧୪.୨ କିଲୋଗ୍ରାମ ଅଣ ସବସିଡିଯୁକ୍ତ ଏଲପିଜି ସିଲିଣ୍ଡର ମୂଲ୍ୟରେ କୌଣସି ପରିବର୍ତ୍ତନ କରିନାହାଁନ୍ତି। ମାସକ ତଳେ ଅକ୍ଟୋବରର ପ୍ରଥମ ଦିନରେ ତୈଳ ମାର୍କେଟିଂ କମ୍ପାନୀଗୁଡିକ ବ୍ୟବସାୟିକ ଏଲପିଜି ସିଲିଣ୍ଡରର ମୂଲ୍ୟ ୪୩.୫ ଟଙ୍କା ବୃଦ୍ଧି କରିଥିଲେ।
ଇଣ୍ଡିଆନ ଅଏଲ ୱେବସାଇଟରୁ ମିଳିଥିବା ସୂଚନା ଅନୁଯାୟୀ, ଦିଲ୍ଲୀର ୧୯ କିଲୋଗ୍ରାମ ବାଣିଜି୍ୟକ ସିଲିଣ୍ଡର ୧,୭୩୬.୫ ଟଙ୍କାକୁ ବୃଦ୍ଧି ପାଇଥିଲା। ଏହାପୂର୍ବରୁ ଦିଲ୍ଲୀରେ ବ୍ୟବସାୟିକ ସିଲିଣ୍ଡରର ମୂଲ୍ୟ ୧,୬୯୩ ଟଙ୍କା ଥିଲା। କୋଲକାତାରେ ବ୍ୟବସାୟିକ ସିଲିଣ୍ଡରର ମୂଲ୍ୟ ୧,୭୭୦.୫ ରୁ ୧,୮୦୫.୫ ଟଙ୍କାକୁ ବୃଦ୍ଧି ପାଇଥିଲା। ଚେନ୍ନାଇରେ ବାଣିଜି୍ୟକ ଏଲପିଜିର ମୂଲ୍ୟ ୧,୮୩୧ ରୁ ୧,୮୬୭.୫ ଟଙ୍କାକୁ ବୃଦ୍ଧି ହୋଇଥିଳା। ସେହିପରି ମୁମ୍ବାଇରେ ୧,୬୮୫ ଟଙ୍କା ମୂଲ୍ୟରେ ବ୍ୟବସାୟିକ ଏଲପିଜି ସିଲିଣ୍ଡର ଉପଲବ୍ଧ ଥିଲା