ପରିଣୀତି ଚୋପ୍ରାଙ୍କ ଖୁସି ଏବେ ବନ୍ଧବାଡ଼ ମାନୁନି। କାରଣ କ’ଣ ଜାଣନ୍ତି ? ସେ ଖୁବ୍ ଶୀଘ୍ର ବଲିଉଡ୍ର ଅନ୍ୟତମ ନାମୀ ପ୍ରଯୋଜକ-କମ୍-ନିର୍ଦ୍ଦେଶକ ସୁରଜ ବରଜ୍ୟାତାଙ୍କ ଫିଲ୍ମରେ ଅଭିନୟ କରିବାକୁ ଯାଉଛନ୍ତି। ଏହାବ୍ୟତୀତ ଏହି ଫିଲ୍ମରେ ଅମିତାଭ ବଚ୍ଚନ, ନୀନା ଗୁପ୍ତା, ବୋମନ ଇରାନୀ ଏବଂ ଅନୁପମ ଖେରଙ୍କୁ ମଧ୍ୟ ଦେଖିବାକୁ ମିଳିବ। ଉକ୍ତ ସିନେମାର ଟାଇଟଲ ରହିଛି ‘ଉଞ୍ଚଲ’। ଏ ସମ୍ପର୍କରେ ପରିଣୀତି କହନ୍ତି, ‘ଯେତେବେଳେ ମୋତେ ଏଭଳି ଏକ ଅଫର ମିଳିଲା ତାହାକୁ ଆଦୌ ହାତଛଡ଼ା କରିବାକୁ ଚାହୁଁ ନ ଥିଲି। କାରଣ ଅମିତାଭ ବଚ୍ଚନଙ୍କ ପରି ଅଭିନେତାଙ୍କ ସହ ଆକ୍ଟିଂ କରିବାର ସୁଯୋଗ କେବଳ ଭାଗ୍ୟରେ ଥିଲେ ମିଳେ। ଏଥିରେ ମୋତେ ଯେଉଁ ଭୂମିକାଟି ମିଳିଛି ତାହା ମଧ୍ୟ ମୋ କ୍ୟାରିୟରକୁ ଆହୁରି ମାଇଲେଜ ଦେବ ବୋଲି ଆଶା ରଖିଛି। ଏପରି ଭୂମିକାକୁ କିପରି ଶତ ପ୍ରତିଶତ ଜଷ୍ଟିସ ଦେଇପାରିବି ସେଥିପାଇଁ ନିଶ୍ଚୟ ଚେଷ୍ଟା କରିବି।’ ତେବେ ଉକ୍ତ ସିନେମାଟି ପରିଣୀତିଙ୍କ ପାଇଁ କେତେ ଶୁଭପ୍ରଦ ହେଉଛି ତାହା ରିଲିଜ ପରେ ହିଁ ଜଣାପଡ଼ିବ।
