କୋଲକାତା,୫।୬: ଦୁବାଇ ଯିବାକୁ ବାହାରିଥିବା ତୃଳମୂଳ କଂଗ୍ରେସ ଏମ୍ପି ଅଭିଷେକ ବାନାର୍ଜୀଙ୍କ ସ୍ତ୍ରୀ ରୁଜିରା ବାନାର୍ଜୀଙ୍କୁ ପୁଣି ଥରେ କୋଲକାତା ବିମାନବନ୍ଦରରେ ଅଟକାଇ ଦିଆଯାଇଛି। ଇଡି ସୂତ୍ର ଅନୁଯାୟୀ, ରୁଜିରାଙ୍କ ବିରୋଧରେ ଲୁକ୍ଆଉଟ ନୋଟିସ ଜାରି କରାଯାଇଛି, ଯେଉଁଥିପାଇଁ ନେତାଜୀ ସୁଭାଷ ଚନ୍ଦ୍ର ବୋଷ ଅନ୍ତର୍ଜାତୀୟ ବିମାନବନ୍ଦରରେ ବୋଡିଂ କରିବା ପୂର୍ବରୁ ରୁଜିରାଙ୍କୁ ଅଟକା ଯାଇଛି। କୋଟି କୋଟି ଟଙ୍କାର କୋଇଲା ଚୋରା ଚାଲାଣ ଯୋଜନା ସମ୍ପର୍କରେ ସିବିଆଇ ରୁଜିରା ବାନାର୍ଜୀଙ୍କୁ ପଚରାଉଚରା କରିସାରିଛି।
କୁହାଯାଉଛି ଯେ, ଅଭିଷେକ ବାନାର୍ଜୀଙ୍କ ସ୍ତ୍ରୀ ରୁଜିରା ବାନାର୍ଜୀଙ୍କ ସୋମବାର ଦୁବାଇ ପାଇଁ ଫ୍ଲାଇଟ୍ ଥିଲା। ଯେଉଁଥିପାଇଁ ରୁଜିରା ଦମ୍ଦମ୍ ସ୍ଥିତ ନେତାଜୀ ସୁଭାଷ ଚନ୍ଦ୍ର ଅନ୍ତର୍ଜାତୀୟ ବିମାନବନ୍ଦରରେ ସକାଳ ୬.୩୦ ସମୟରେ ପହଞ୍ଚିଥିଲେ, କିନ୍ତୁ ବୋଡିଂ କରିବା ପୂର୍ବରୁ ସେ ଇମିଗ୍ରେଶନ ଟିମ ତାଙ୍କୁ ଅଟକି ଦେଇଥିଲେ। ରୁଜୀରା ବାନାର୍ଜୀଙ୍କୁ ପ୍ରବର୍ତ୍ତନ ନିର୍ଦ୍ଦେଶାଳୟ (ଇଡି) ଦୁଇ ଦିନ ପରେ ପଚରାଉଚରା କରିବ ବୋଲି ଜଣାପଡିଛି।