କୋଲକତା,୬।୧୨:ବିବାହ ସମାରୋହରେ ଖାଦ୍ୟର ବହୁତ ଅପଚୟ ହୁଏ। ବିବାହରେ ଲକ୍ଷ୍ୟଠାରୁ ଅଧିକ ଖାଦ୍ୟ ପ୍ରସ୍ତୁତ ହୁଏ। କିନ୍ତୁ ବେଳେବେଳେ ଖାଦ୍ୟ ବଳକା ରହିଯାଏ। ପରେ ସେହି ଖାଦ୍ୟ ଅଳିଆ ଆବର୍ଜନାରେ ପକାଯାଏ। କିନ୍ତୁ ଖାଦ୍ୟ ନଷ୍ଟ କରିବା ପରିବର୍ତ୍ତେ କୋଲକାତାର ଜଣେ ମହିଳା ଏହାକୁ ଅଭାବୀ ଲୋକମାନଙ୍କ ମଧ୍ୟରେ ବାଣ୍ଟି ଦେଇଥିଲେ। ପାର୍ଟି ପୋଷାକ ପିନ୍ଧି ମହିଳା ଜଣଙ୍କ ଗରିବ ଲୋକଙ୍କୁ ଖାଦ୍ୟ ଦେବାର ଶୈଳୀ ଲୋକଙ୍କ ହୃଦୟ ଜିତିଥିଲା।
ଡିସେମ୍ବର ୫ ତାରିଖ ରାତି ପ୍ରାୟ ୧ଟାରେ, କୋଲକାତାର ରାଣାଘାଟ ଜଙ୍କସନରେ ବିବାହ ପୋଷାକ ପିନ୍ଧିଥିବା ଜଣେ ମହିଳା ଖାଦ୍ୟ ବାଣ୍ଟୁଥିବାର ଦେଖାଯାଇଥିଲା। ମହିଳା ଜଣଙ୍କ ବସି କାଗଜ ପ୍ଲେଟରେ ସମସ୍ତଙ୍କୁ ଖାଦ୍ୟ ଦେଇଦେଲେ। ଏଥିରେ ଭାତ, ରୁଟି ସହିତ ଅନ୍ୟାନ୍ୟ ଖାଦ୍ୟ ସାମିଲ ଥିଲା। ବିବାହ ଫଟୋଗ୍ରାଫର ନିଲଞ୍ଜନ ମଣ୍ଡଳ ନିଜ କ୍ୟାମେରାରେ ମହିଳାଙ୍କ ଦ୍ୱାରା ବଣ୍ଟନ କରାଯାଉଥିବା ଖାଦ୍ୟକୁ କଏଦ କରିଥିଲେ ଏବଂ କିଛି ସମୟ ପରେ ସେ ଏହି ଫଟୋ ଏବଂ ଭିଡିଓକୁ ଫେସବୁକ ପେଜରେ ଶେୟାର କରିଥିଲେ।
ନିଲଞ୍ଜନ ମଣ୍ଡଳ ଲେଖିଛନ୍ତି – ପାପିଆଙ୍କୁ ତାଙ୍କ ଭାଇଙ୍କ ବିବାହରେ ବଳକା ଖାଦ୍ୟ ବାଣ୍ଟୁଥିବାର ଦେଖିବାକୁ ମିଳିଥିଲା। ପାପିଆଙ୍କ କାର୍ଯ୍ୟକୁ ବହୁତ ପ୍ରଶଂସା କରାଯାଉଛି। ଏବେ ଏହି ପୋଷ୍ଟ ଭାଇରାଲ ହେବାରେ ଲାଗିଛି।