ନୂଆଦିଲ୍ଲୀ,୨୨।୧୧: ମଙ୍ଗଳବାର ଠାରୁ ସୋସିଆଲ ମିଡିଆରେ ଏକ ଭିଡିଓ ଭାଇରାଲ ହେଉଛି। ଏହି ଭିଡିଓରେ ଜଣେ ବଙ୍ଗୀୟ ମଡେଲ ବିଶ୍ୱକପ ୨୦୨୩ ଫାଇନାଲର ‘ପ୍ଲେୟାର ଅଫ ଦି ମ୍ୟାଚ’ ଟ୍ରାଭିସ ହେଡ୍ଙ୍କୁ ବିବାହ କରୁଥିବା ନଜର ଆସିଛନ୍ତି। ସେ ଟ୍ରାଭିସ ହେଡଙ୍କ ଫଟୋ ଆଗରେ ରଖି ଏହି ବିବାହ କରିଛନ୍ତି। ମଡେଲ ଏହି ଭିଡିଓକୁ ଏକ ମଜାଳିଆ ଢଙ୍ଗରେ କରିଥିଲେ କିନ୍ତୁ ବର୍ତ୍ତମାନ ସେ ସୋସିଆଲ ମିଡିଆରେ ଅଶ୍ଳୀଳ ମନ୍ତବ୍ୟର ସମ୍ମୁଖୀନ ହେଉଛନ୍ତି।
ମଡେଲଙ୍କ ନାମ ହେଉଛି ହେମୋଶ୍ରୀ। ବିଶ୍ୱକପ ଫାଇନାଲର ଦୁଇ ଦିନ ପରେ ସେ ଏହି ଭିଡିଓ ପ୍ରସ୍ତୁତ କରିଛନ୍ତି। ଏହି ଭିଡିଓରେ ଦୁଇଜଣ ମହିଳା ମଧ୍ୟ ବ୍ୟାକ୍ଗ୍ରାଉଣ୍ଡରେ ନଜର ଆସିଛନ୍ତି, ଯେଉଁମାନେ ବଙ୍ଗୀୟ ବିବାହରେ ଆବଶ୍ୟକ ରୀତିନୀତି କରୁଥିବା ଦେଖାଯାଉଛି। ଜଣେ ମହିଳା ଶଙ୍ଖ ଫୁଙ୍କୁଥିବା ବେଳେ ଏବଂ ଅନ୍ୟ ଜଣେ ହୁଳାହୁଳି ଦେଉଛନ୍ତି। ଏହି ସମୟରେ ହେମାଶ୍ରୀଙ୍କ ମଥାରେ ସିନ୍ଦୁର ପିନ୍ଧୁଥିବାର ନଜର ଆସିଛନ୍ତି। ସେ କହୁଛନ୍ତି, ’ମୁଁ ମୋ ମୁଣ୍ଡରେ ଟ୍ରାଭିସ ହେଡ୍ଙ୍କ ନାମରେ ସିନ୍ଦୁର ପିନ୍ଧିଛି।