ନୂଆଦିଲ୍ଲୀ:ବେଙ୍ଗାଲୁରୁର ଏକ କମ୍ପାନୀ ଭାରତୀୟ ସଶସ୍ତ୍ର ବାହିନୀ ପାଇଁ ଜେଟ୍ପ୍ୟାକ୍ ସୁଟ୍ ଯୋଗାଇବାରେ ଉଦ୍ୟମ ଚଳାଇଛି। ଯେଉଁଥିରେ କି ଭାରତୀୟ ସେନା ଏହି ସୁଟ୍ରେ କଠିନ ଅଞ୍ଚଳରେ ବ୍ୟକ୍ତିଗତ ଭାବେ ଉଡ଼ିବାରେ ସକ୍ଷମ ହୋଇପାରିବ। ତେବେ ଜାନୁୟାରୀରେ ଭାରତୀୟ ସେନା ୪୮ଟି ଜେଟ୍ପ୍ୟାକ୍ ସୁଟ୍ ପାଇଁ ଏକ ପ୍ରସ୍ତାବ ଦେଇଥିଲା। ଜେଟ୍ପ୍ୟାକ୍ ସୁଟ୍ ହେଉଛି ସେନାଙ୍କ ଏକ ଅଂଶ, ଯାହାକି ଜରୁରିକାଳୀନ ପରିସ୍ଥିତିରେ ବ୍ୟକ୍ତିଗତ ଭାବେ ଶୀଘ୍ର ସେହି ସ୍ଥାନରେ ପହଞ୍ଚିବାରେ ସାହାଯ୍ୟ କରେ। ବେଙ୍ଗାଲୁରୁ ଦ୍ୱାରା ପ୍ରସ୍ତୁତ ଏହି ଜେଟ୍ପ୍ୟାକ୍ ସୁଟ୍ ଇନ୍ଧନ ଭାବେ ଡିଜେଲରେ ପରିଚାଳିତ ହେବ। ଏହା ମୁଖ୍ୟତଃ ୧୦ କି.ମି. ଏବଂ ୮ ମିନିଟ ପର୍ଯ୍ୟନ୍ତ ଉଡ଼ିବାରେ ସକ୍ଷମ ହୋଇପାରିବ। ଏହି ସୁଟ୍ ୪୦ରୁ ୮୦ କିଲୋ ଭାର ବହନ କରିପାରିବାର କ୍ଷମତା ରଖିଛି। ସୁଟ୍ ୩ ହଜାର ମିଟର ଉଚ୍ଚତାରେ ଉଡ଼ିବା କ୍ଷମତା ରଖିଥିବାବେଳେ ଭୂମିଠାରୁ ଏହା ମୁଖ୍ୟତଃ ୧୦ରୁ ୨୦ ଫୁଟ୍ ମଧ୍ୟରେ ଉଡ଼ିବା ଉଚିତ। ଆବସଲ୍ୟୁଟ୍ କମ୍ପୋଜିଟ୍ ମ୍ୟାନେଜିଂ ଡାରେକ୍ଟର ରାଘବ ରେଡ୍ଡିଙ୍କ ତଥ୍ୟ ଅନୁସାରେ, ଭୂମିରେ ବାଧା ପରିସ୍ଥିତି ପାଇଁ ଏହି ସୁଟ୍ ବହୁତ ଭଲ। ବ୍ରିଟିଶ୍ ନାଗରିକ ରିଚାର୍ଡ ବ୍ରାଉନିଂ ଜେଟ୍ପ୍ୟାକ୍ ସୁଟ୍ ଉଦ୍ଭାବନ କରିଥିଲେ। ସେ ଏହି ସୁଟ୍କୁ ମୁଖ୍ୟତଃ ବ୍ରିଜ୍ ଭାଙ୍ଗିବା ସମୟରେ ନଦୀକୁ ପାର୍ କରିବା, ମାଇନ୍ ଅଞ୍ଚଳରେ କିଛି ଅସୁବିଧା ହେଲେ ସେଠାରୁ ଅନ୍ୟତ୍ର ଯାଇପାରିବା, ବନ୍ୟା ସମୟରେ ଜରୁରୀ ସାମଗ୍ରୀ ବଣ୍ଟନ ଏବଂ ସେହି ଅଞ୍ଚଳରୁ ଉଦ୍ଧାର ଆଦି ବିଭିନ୍ନ କାର୍ଯ୍ୟ ପାଇଁ ତିଆରି କରାଯାଇଥିଲା। ତେବେ ଏହି ଜେଟ୍ପ୍ୟାକ୍ ସୁଟ୍ ଅଗ୍ନି ଲାଗିଥିବା ଅଞ୍ଚଳର ଉତ୍ତାପ ବହନ କରିବାର କ୍ଷମତା ରଖିଥାଏ ଏବଂ ଏଥିରେ କିଛି ଔଷଧ ସାମଗ୍ରୀ ମଧ୍ୟ ନେବା ପାଇଁ ବ୍ୟବସ୍ଥା ରହିଛି।