ବେଙ୍ଗାଲୁରୁ, ୧।୩: ବାପାଙ୍କ ହତ୍ୟା ଅଭିଯୋଗରେ ବେଙ୍ଗାଲୁରୁର ୩୨ ବର୍ଷୀୟ ଏମ୍. ମଣିକାନ୍ତଙ୍କୁ ପୋଲିସ ଗିରଫ କରିଛି। ଦୁଇ ଯୁବକଙ୍କୁ ୧ କୋଟିର ସୁପାରି ଦେଇ ମଣିକାନ୍ତ ସମ୍ପତ୍ତି ପାଇଁ ବାପା ନାରାୟଣ ସ୍ବାମୀଙ୍କୁ ହତ୍ୟା କରିଥିବା ତଦନ୍ତରୁ ଜଣାପଡ଼ିଛି। ଘଟଣାରେ ସମ୍ପୃକ୍ତ ସୁପାରି କିଲର ଆଦର୍ଶ ଓ ଶିବ କୁମାରଙ୍କୁ ମଧ୍ୟ ପୋଲିିସ ଗିରଫ କରିନେଇଛି। ମାରାଥାହାଲ୍ଲିିର କାଭେରାପ୍ପାରେ ନାରାୟଣ ସ୍ବାମୀଙ୍କ ଘର। ଫେବୃୟାରୀ ୧୩ରେ ଦୁଇଜଣ ଯୁବକ ବାଇକ୍ରେ ଆସି ରାସ୍ତାରେ ଯାଉଥିବା ନାରାୟଣ ସ୍ବାମୀଙ୍କୁ ଛୁରିରେ ଆକ୍ରମଣ କରିଥିଲେ। ନାରାୟଣ ସ୍ବାମୀଙ୍କ ହତ୍ୟାର ପ୍ରତ୍ୟକ୍ଷଦର୍ଶୀ ଥିଲେ ଅଭିଯୁକ୍ତ ପୁଅ ମଣିକାନ୍ତ। ବାପାଙ୍କ ହତ୍ୟା ନେଇ ସେ ମାରାଥାହାଲ୍ଲି ଥାନାରେ ଅଭିଯୋଗ କରିଥିଲେ। ଅର୍ଚ୍ଚନା ମଣିକାନ୍ତଙ୍କର ଦ୍ୱିତୀୟ ସ୍ତ୍ରୀ ଥିଲେ। ମଣିକାନ୍ତ ଅର୍ଚ୍ଚନାଙ୍କୁ ମରଣାନ୍ତକ ଆକ୍ରମଣ ଅଭିଯୋଗରେ ବେଙ୍ଗାଲୁରୁ ସେଣ୍ଟ୍ରାଲ୍ ଜେଲରେ ସଜା କାଟିଥିଲେ। ଜାମିନ୍ରେ ଫେରିବା ପରେ ଅର୍ଚ୍ଚନା ଝିଅ ସହ ଅଲଗା ରହିଥିଲେ। ନାରାୟଣ ବୋହୂ ଅର୍ଚ୍ଚନାଙ୍କୁ ଏକ ଫ୍ଲାଟ୍ ଉପହାର ସ୍ବରୂପ ଦେବାକୁ ଚାହୁଁଥିଲେ। ଅନ୍ୟପଟେ ବେକାର ମଣିକାନ୍ତଙ୍କୁ ନାରାୟଣ ଟଙ୍କା ଦେବା ବନ୍ଦ କରିଦେଇଥିଲେ, ଯାହାକୁ ସେ ସହଜରେ ଗ୍ରହଣ କରିପାରୁ ନ ଥିଲେ। ଏହାପରେ ମଣିକାନ୍ତ ଅନ୍ୟ ଦୁଇ ଅଭିଯୁକ୍ତଙ୍କ ସହ ମିଶି ବାପା ନାରାୟଣ ସ୍ବାମୀଙ୍କ ହତ୍ୟା ଯୋଜନା କରିଥିବା ପ୍ରାଥମିକ ତଦନ୍ତରୁ ଜଣାପଡ଼ିଛି।
