ଖୋର୍ଦ୍ଧା ଅଫିସ,୨୫।୪: ବହିବିକି ପଦରୁ ଅବ୍ୟାହତ ହେଲେ ସିଆର୍ସିସି। ଏଭଳି ଘଟଣା ଘଟିଛି ଖୋର୍ଦ୍ଧା ଜିଲାରେ। ଦେଉଳି କ୍ଲଷ୍ଟର ସିଆରସିସି ମନମୋହନ ମିଶ୍ର ବହି ବିକିଥିଲେ। ଏ ନେଇ ବୋଲଗଡ଼ ବିଇଓ ନିରଞ୍ଜନ ମହାନ୍ତି ସମ୍ପୃକ୍ତ ସିଆରସିସିଙ୍କୁ କାର୍ଯ୍ୟରୁ ଅବ୍ୟାହତ କରିଛନ୍ତି।
ସୂଚନାଯୋଗ, ଖୋର୍ଦ୍ଧା ବୋଲଗଡ଼ ବ୍ଲକ ଦେଉଳି କ୍ଲଷ୍ଟର କାର୍ଯ୍ୟାଳୟଠାରେ ସିଆରସିସି ମନମୋହନ ମିଶ୍ର ସୋମବାର ଜଣେ କବାଡିଆକୁ ଡାକି ପ୍ରଥମରୁ ଅଷ୍ଟମ ଶ୍ରେଣୀ ପର୍ଯ୍ୟନ୍ତ ବିଦ୍ୟାଳୟ ଛାତ୍ରୀଛାତ୍ରଙ୍କୁ ମାଗଣା ବଣ୍ଟନ ପାଇଁ ଆସିଥବା ବହିଗୁଡ଼ିକୁ ବିକ୍ରି କରୁଥିବା ବେଳେ ଗ୍ରାମବାସୀଙ୍କ ଦ୍ବାରା ଧରା ପଡିଥିଲେ।