ଭୁବନେଶ୍ୱର,୯ା୧୧(ଅନିଲ ଦାସ): ରାଜ୍ୟ ରପ୍ତାନି ଓ ବାଣିଜ୍ୟ ନିର୍ଦ୍ଦେଶାଳୟ ପକ୍ଷରୁ ବୁଧବାର ରାଜ୍ୟ ରପ୍ତାନୀ ପୁରସ୍କାର ପ୍ରଦାନ କରାଯାଇଛି। ବିଶେଷ କରି ୨୦୨୦-୨୧ ଏବଂ ୨୦୨୧-୨୨ ପାଇଁ ଉକ୍ତ ପୁରସ୍କାର ରାଜ୍ୟର ୪୨ ପ୍ରମୁଖ ସଂସ୍ଥାକୁ ପ୍ରଦାନ କରାଯାଇଛିା ଏହି ପରିପ୍ରକ୍ଷୀରେ ବେଦାନ୍ତ ଝାରସୁଗୁଡ଼ାକୁ ୨୦୨୦-୨୧ ବର୍ଷ ପାଇଁ ସର୍ବଶ୍ରେଷ୍ଠ ରପ୍ତାନୀ ପୁରସ୍କାର ଦିଆଯାଇଛି। ଏହି ଅବସରରେ ଆୟୋଜିତ ସ୍ବତନ୍ତ୍ର ସମ୍ମାନ ସମାରୋହରେ ମନ୍ତ୍ରୀ ପ୍ରତାପ କେଶରୀ ଦେବ ମୁଖ୍ୟ ଅତିଥି ଭାବେ ଯୋଗଦେଇ ଶ୍ରେଷ୍ଠ ରପ୍ତାନିକାରୀମାନଙ୍କୁ ପୁରସ୍କୃତ କରିଛନ୍ତି । ସେହିଭଳି ସୁନ୍ଦରଗଡ଼ର କୁଲାଙ୍ଗସ୍ଥିତ ଆର୍. ବି. ଅଗ୍ରଓ୍ବାଲ ଆଣ୍ଡ କମ୍ପାନୀକୁ ଦ୍ୱିତୀୟ ସର୍ବଶ୍ରେଷ୍ଠ ରପ୍ତାନୀ ପୁରସ୍କାର ପ୍ରଦାନ କରାଯାଇଛି। ଟ୍ରଫି ସହ ମେରିଟ୍ ସାର୍ଟିଫିକେଟ୍ ବର୍ଗରେ ଭୁବନେଶ୍ୱରର ଗୁପ୍ତା ପାଓ୍ବାର ଇନ୍ଫ୍ରାଷ୍ଟ୍ରକ୍ଚର, ବାଲେଶ୍ୱରର ଇମାମି ପେପର ମିଲ୍ସ, ବଲାଙ୍ଗୀରର ବି. ଏଲ୍. ଗୋୟଲ୍, ଭୁବନେଶ୍ୱରର ବି. ଓ୍ବାନ୍ ବିଜ୍ନେସ୍ ହାଉସ୍, ଇଣ୍ଡିଆନ୍ ମେଟାଲ୍ ଆଣ୍ଡ ଫେରୋ ଆଲ୍ଏଜ ଏବଂ ଭୁବନେଶ୍ୱରର ଇନ୍ଫୋସିସ୍ ପୁରସ୍କାର ପାଇଛନ୍ତି । ସେହିପରି ସାର୍ଟିଫିକେଟ ଅଫ୍ ଏକ୍ସଲେନ୍ସି ବର୍ଗରେ ସୁନ୍ଦରଗଡ଼ର ଆଇଏଫ୍ଜିଏଲ୍ ରିଫ୍ରାକ୍ଟୋରିଜ୍, ପାରାଦୀପସ୍ଥିତ ଭାରତୀୟ ତୈଳ ନିଗମ, ଭୁବନେଶ୍ୱରର ଜେ. ପି. ହ୍ୟାଣ୍ଡଲୁମ୍, ଯାଜପୁରର ମାଗ୍ମା ଫୁଡ୍ସ, ଭୁବନେଶ୍ୱରସ୍ଥ ନାଲ୍କୋ, ସମ୍ବଲପୁରର ହିଣ୍ଡାଲ୍କୋ, ଟାଟା କନ୍ସଲ୍ଟାନ୍ସି ସର୍ଭିସେସ୍, ଭୁବନେଶ୍ୱର, ଭୁବନେଶ୍ୱରସ୍ଥ ଆବ୍ସିସ୍ ସୂଚନା ପ୍ରଯୁକ୍ତି ବୈଷୟିକ ସମ୍ବର୍ଦ୍ଧିତ ହୋଇଛନ୍ତି ା ସ୍ପେଶାଲ୍ ସାର୍ଟିଫିକେଟ୍ ବର୍ଗରେ ବାଲେଶ୍ୱରର ଅର୍ଚ୍ଚିଡ୍ ମେରାଇନ୍ ଏକ୍ସପୋର୍ଟସ ଏବଂ ପାରାଦୀପର ଆଇଏମ୍ବି ମେରାଇନ୍ ଏକ୍ସପୋର୍ଟ ପୁରସ୍କୃତ ହୋଇଛନ୍ତି । ଶ୍ରେଷ୍ଠ ମହିଳା ଉଦ୍ୟୋଗୀ ବର୍ଗରେ ବ୍ରହ୍ମପୁରର ଡିକେଏସ୍ଆର୍ ସ୍ପେଶାଲିଷ୍ଟ କେମିକାଲ୍କୁ ପୁରସ୍କାର ପ୍ରଦାନ କରାଯାଇଛି । ୨୦୨୧-୨୨ ପାଇଁ ଶ୍ରେଷ୍ଠ ରପ୍ତାନି ପୁରସ୍କାର ବେଦାନ୍ତ (ଝାରସୁଗୁଡ଼ା) ଓ ଆବ୍ସିସ୍ ସୂଚନା ପ୍ରଯୁକ୍ତି(ଭୁବନେଶ୍ୱର)କୁ ମିଳିଛି । ଟ୍ରଫି ଉଇଥ୍ ସାର୍ଟିଫିକେଟ୍ ଅଫ୍ ମେରିଟ୍ ବର୍ଗରେ ପାରାଦୀପର ଭାରତୀୟ ତୈଳ ନିଗମ, ଭୁବନେଶ୍ୱରର ଗାଲାସ୍କି ମେଡିକେୟାର, ଭୁବନେଶ୍ୱରର ଜେ. ପି. ହ୍ୟାଣ୍ଡଲୁମ୍, ଯାଜପୁରର ମାଗ୍ମା ଫୁଡ୍ସ, ଶ୍ରୀରାମ ଏକ୍ସପୋର୍ଟ,ଭୁବନେଶ୍ୱର, ହିଣ୍ଡାଲ୍କୋ ଇଣ୍ଡଷ୍ଟ୍ରିଜ୍, ସମ୍ବଲପୁର, ଟାଟା କନ୍ସଲ୍ଟାନ୍ସି ସର୍ଭିସେସ୍, ଭୁବନେଶ୍ୱରକୁ ସର୍ବଶ୍ରେଷ୍ଠ ରପ୍ତାନି ପୁରସ୍କାର ମିଳିଛି।
ସାର୍ଟିଫିକେଟ୍ ଅଫ୍ ଏକ୍ସିଲେନ୍ସି ବର୍ଗରେ ଟେରାକ୍ଲକ୍ ମେସିନେରି, ଭୁବନେଶ୍ୱର, ଇମାମି ପେପର ମିଲ୍ସ ଲିମିଟେଡ୍, ବାଲେଶ୍ୱର, ଟିଆର୍ଏଲ୍ କ୍ରୋସାକି ରିଫ୍ରାକ୍ଟୋରିଜ୍, ଝାରସୁଗୁଡ଼ା, ସୁଦର୍ଶନ କ୍ରାଫ୍ଟସ୍ ମ୍ୟୁଜିୟମ୍, ପୁରୀ, ସାହି ଏକ୍ସପୋର୍ଟସ, ପୁରୀ, ବି.ଓ୍ବାନ୍ ବିଜ୍ନେସ୍ ହାଉସ୍, ଭୁବନେଶ୍ୱର, ଫ୍ଲାମିଂଗୋ ଶ୍ରୀମ୍ପ୍ଲେକ୍ସ, ଭୁବନେଶ୍ୱର, ଫାଲ୍କନ ମେରାଇନ୍ ଏକ୍ସପୋର୍ଟ, ଭୁବନେଶ୍ୱର, ଅର୍ଚିଡ୍ ମେରାଇନ୍ ଏକ୍ସପୋର୍ଟ, ବାଲେଶ୍ୱର, ଆଇଆର୍ଇଏଲ୍ ଇଣ୍ଡିଆ ଲିଃ, ଗଞ୍ଜାମ, ଇଣ୍ଡିଆନ୍ ମେଟାଲ୍ ଏଣ୍ଡ ଫେରୋ ଆଲଏଜ୍ ଲିଃ ଭୁବନେଶ୍ୱର, ନାଲ୍କୋ, ଭୁବନେଶ୍ୱର, ଏଲ୍ଟିଆଇ ମାଇଣ୍ଡ ଟ୍ରି, ଭୁବନେଶ୍ୱର ପୁରସ୍କୃତ ହୋଇଛନ୍ତି । ସ୍ପେଶାଲ ସାର୍ଟିଫିକେଟ୍ ବର୍ଗରେ ଉତ୍କଳ ସ୍ପେସିଆଲିଟି ଇଣ୍ଡଷ୍ଟ୍ରିଜ୍, ଖୋର୍ଦ୍ଧା ଓ ମାଷ୍ଟରଚେଫ୍ ଏକ୍ସପୋର୍ଟସ, ବାଲେଶ୍ୱର ପୁରସ୍କୃତ ହୋଇଛନ୍ତି ।
ଶ୍ରେଷ୍ଠ ମହିଳା ଉଦ୍ୟୋଗୀ ବର୍ଗରେ ଡିକେଏସ୍ଆର୍ ସ୍ପେସିଆଲିଟି କେମିକାଲ୍ସ, ବ୍ରହ୍ମପୁର, ଗଞ୍ଜାମ ପୁରସ୍କାର ଲାଭ କରିଛନ୍ତି । ଉକ୍ତ କାର୍ଯ୍ୟକ୍ରମରେ ବିଭାଗର ପ୍ରମୁଖ ଶାସନ ସଚିବ ଶାଶ୍ୱତ ମିଶ୍ର, ନିର୍ଦ୍ଦେଶକ ରପ୍ତାନି ଓ ବାଣିଜ୍ୟ ଦିଲୀପ ସାହୁ ଏବଂ ସ୍ବତନ୍ତ୍ର ଶାସନ ସଚିବ ବିଭୂତି ଭୂଷଣ ନାୟକ ଉପସ୍ଥିତ ଥିଲେ ।