ନୂଆଦିଲ୍ଲୀ,୧୬।୧୦: ରିଲାଏନ୍ସ ରିଟେଲ୍ର ଜିଓ ମାର୍ଟ ଏବଂ ସ୍ମାର୍ଟ ଷ୍ଟୋର ପକ୍ଷରୁ ‘ବେଷ୍ଟିଭାଲ୍ ସେଲ୍’ର ଶୁଭାରମ୍ଭ ସମ୍ପର୍କରେ ଘୋଷଣା କରାଯାଇଛି। ଏହି ସ୍ବତନ୍ତ୍ର ସେଲ୍ (ଅଫର) ଚଳିତ ବର୍ଷ ଅକ୍ଟୋବର ୨୪ ପର୍ଯ୍ୟନ୍ତ ଉପଲବ୍ଧ ରହିବ। ଏଥିରେ ଇ-ମାର୍କେଟ୍ପ୍ଳେସ୍ର ଦ୍ରୁତ ସମ୍ପ୍ରସାରଣ ହେଉଛି। ଏଥିରେ ଅନେକ ନୂଆ ବର୍ଗକୁ ମଧ୍ୟ ସାମିଲ କରାଯାଇଛି। ବିଶେଷ କରି ଫ୍ୟାଶନ ଓ ଲାଇଫଷ୍ଟାଇଲ୍ ସହ କଞ୍ଜୁମର ଇଲେକ୍ଟ୍ରୋନିକ୍ସ, ହୋମ୍ ଏବଂ କିଚେନ୍ ଉତ୍ପାଦ ଆଦି ସାମିଲ ରହିଛି। ଏହି ସେଲ୍ ଜିଓ ମାର୍ଟ, ଇ-ମାର୍କେଟ୍ପ୍ଲେସ୍ ପ୍ଲାଟ୍ଫର୍ମ ଏବଂ ୩୦୦୦ରୁ ଅଧିକ ସ୍ମାର୍ଟ ଷ୍ଟୋରରେ ଉପଲବ୍ଧ ହେବ। ସାରା ଦେଶର ସ୍ମାର୍ଟ ବଜାର, ସ୍ମାର୍ଟ ସୁପର ଷ୍ଟୋର ଓ ସ୍ମାର୍ଟ ପଏଣ୍ଟ ଆଦି ଅନ୍ତର୍ଭୁକ୍ତ ରହିଛି। ଗତ ୨ବର୍ଷ ଧରି ସ୍ମାର୍ଟ ଷ୍ଟୋର ଭାଲ୍ୟୁ ଶପିଂ, ଡେଷ୍ଟିନେସନ ଓ ସୁବିଧାଜନକ ଶପିଂ ଫର୍ମାଟକୁ ସମ୍ପ୍ରସାରିତ କରିଛି। ସେହିଭଳି ଚଳିତ ‘ବେଷ୍ଟିଭାଲ୍ ସେଲ୍’ରେ ଏକ୍ସକ୍ଲୁସିଭ୍ ଅଫର ଓ ଡିଲ୍ ସାଙ୍ଗକୁ ବ୍ୟାଙ୍କ ଟାଏଅପ୍ସ ଓ ଦୀପାବଳି ସାମଗ୍ରୀ ଏବଂ ଜେନେରାଲ୍ ମର୍ଚ୍ଚାଣ୍ଡାଇଜ୍ ଉପରେ ସ୍ବତନ୍ତ୍ର ରିହାତି ସୁବିଧା ଦିଆଯାଉଛି। ଏ ସମ୍ପର୍କରେ ରିଲାଏନ୍ସ ରିଟେଲ୍ର ସିଇଓ (ଗ୍ରୋସେରି) ଦାମୋଦର ମଲ୍ଲ କହିଛନ୍ତି, ଚଳିତ ବେଷ୍ଟିଭାଲ୍ ସେଲ୍ରେ ଗ୍ରାହକଙ୍କୁ ଅତୁଳନୀୟ ମୂଲ୍ୟ ସୁବିଧା ପ୍ରଦାନ କରୁଛୁ। ଆମର କ୍ରେତାମାନେ ବିଭିନ୍ନ ବର୍ଗରେ ୮୦% ପର୍ଯ୍ୟନ୍ତ ରିହାତି ପାଇପାରିବେ। ସ୍ବତନ୍ତ୍ର ଭାବେ ପ୍ରସ୍ତୁତ କରାଯାଇଥିବା ଦିୱାଲି ସ୍ପେଶିଆଲ ଡିଲ୍ରୁ ମଧ୍ୟ ଦିୟା, କ୍ୟାଣ୍ଡେଲ, ଉପହାର, ମିଠା, ସ୍ନାକ୍ସ ଓ ରଙ୍ଗୋଲି ଆଦି ମଧ୍ୟ ବାଛିପାରିବେ। ଗ୍ରାହକମାନଙ୍କର ସମସ୍ତ ପାର୍ବଣ ଆବଶ୍ୟକତାକୁ ଏହା ପୂରଣ କରିବ। ଏହା ସହିତ ସେମାନେ ଭାରତୀୟ ମିଠାଇ ଓ ଡ୍ରାଏ ଫ୍ରୁଟ୍ ଗିଫ୍ଟ ପ୍ୟାକ୍ରେ ୫୦% ପର୍ଯ୍ୟନ୍ତ ରିହାତି ସୁବିଧା ମଧ୍ୟ ପାଇପାରିବେ। ସେହିଭଳି ଜିଓମାର୍ଟର ସିଇଓ ସନ୍ଦୀପ ଭରଗାଣ୍ଟିି କହିଛନ୍ତି, ଆମେ ଆମର କ୍ରସ୍ କାଟେଗୋରି ସମ୍ପ୍ରସାରଣର ସଫଳତା ନେଇ ବହୁତ ଉତ୍ସାହୀ ଅଛୁ, ଯାହାକୁ ସାରା ଦେଶରେ ଗ୍ରହଣ କରାଯାଇଛି। ଆମେ ଅଣ ଗ୍ରୋସେରି ବର୍ଗରେ ଗତ ୧୫ଦିନ ମଧ୍ୟରେ ବିକ୍ରିରେ ୩ଗୁଣା ବୃଦ୍ଧି ପରିଲକ୍ଷିତ କରିଛୁ। ବିଶେଷକରି ସାମଗ୍ରିକ କ୍ଷେତ୍ରରେ ଆମେ ଆଶାଠାରୁ ଅଧିକ ସଫଳତା ହାସଲ କରିଛୁ।