ଭଦ୍ରକ,୧୨।୧୧(ସନାତନ ରାଉତ ): ଓଡ଼ିଶା ପ୍ରସିଦ୍ଧ ଭଦ୍ରକ କାଳୀପୂଜା ପାଇଁ ଭଦ୍ରକ ସହର ଚଳଚଞ୍ଚଳ ହୋଇ ଉଠିଛି। ସହରର ୯ଟି ମଣ୍ଡପରେ ମା’ ଙ୍କୁ ଆରାଧନା କରାଯାଉ ଥିବାବେଳେ ଭଦ୍ରକର ଅଧିଷ୍ଠାତ୍ରୀ ଦେବୀ ମା’ ଭଦ୍ରକାଳୀଙ୍କ ପୀଠରେ ପୂଜା ଓ ବିଶ୍ୱଶାନ୍ତି ଯଜ୍ଞ ଆରମ୍ଭ ହୋଇଛି। ସକାଳ ସମୟରେ ସାଳନ୍ଦୀ ନଦୀର ଆହାରପଦା ଘାଟରୁ ହଜାର ହଜାର ସଂଖ୍ୟାର ମାନସିକଧାରୀ ମହିଳାମାନେ କଳସ ଶୋଭାଯାତ୍ରାରେ ଆସି ମା’ଙ୍କ ପୀଠରେ ପହଞ୍ଚି ଘଟ ସ୍ଥାପନ କରିଥିଲେ। ପୂଜକ ମାନଙ୍କ ଦ୍ୱାରା ଶୁଭଧିବାସ ପରେ ବିଧି ଅନୁଯାୟୀ ପୂଜା କର୍ମ ଆରମ୍ଭ ହୋଇଥିଲା । ସାରେ ଚଣ୍ଡୀ ପାଠ ଓ ବିଷ୍ଣୁମାତାଙ୍କ ପୀତ୍ୟାର୍ଥେ ଦୀପ ଯଜ୍ଞ ଅନୁଷ୍ଠିତ ହେବ। ସାତ ଦିନ ଧରି ସପ୍ତମାତୃକା ବେଶରେ ଦର୍ଶନ ଦେବେ ମା’ ଭଦ୍ରକାଳୀ। ପ୍ରଥମ ଦିନରେ ବେଦମାତା, ଦ୍ୱିତୀୟ ଦିନରେ ମହାକାଳୀ, ତୃତୀୟ ଦିନ ରାଜରାଜେଶ୍ୱରୀ, ଚତୁର୍ଥ ଦିନ ସିଂହବାହିନୀ, ପଞ୍ଚମ ଦିନ ଜଗଦ୍ଧାତ୍ରୀ, ଷଷ୍ଠରେ ମହା ସରସ୍ବତୀ ଓ ସପ୍ତମ ବା ଅନ୍ତିମ ଦିବସରେ ମହାଲକ୍ଷ୍ମୀ ବେଶରେ ଦର୍ଶନ ଦେବେ ମା’।