ନୂଆଦିଲ୍ଲୀ,୨୭ ।୯: ସଂଯୁକ୍ତ ମୋର୍ଚ୍ଚା କୃଷକ ମଞ୍ଚ ପକ୍ଷରୁ ସୋମବାର ଦିଆଯାଇଥିବା ଭାରତ ବନ୍ଦର ପ୍ରଭାବ ବିଶେଷ ଭାବେ ଦିଲ୍ଲୀ, ହାରିୟାଣା ଓ ପଞ୍ଜାବରେ ଦେଖିବାକୁ ମିଳିଛି । ପଶ୍ଚିମ ଉତ୍ତର ପ୍ରଦେଶରେ ବି ଏହାର ପ୍ରଭାବ ଦେଖାଯାଇଥିଲା । ବିଭିନ୍ନ ସ୍ଥାନରେ ପ୍ରଦର୍ଶନକାରୀ ସଡ଼କ ଅବରୋଧ କରିବା ଦେଖାଯାଇଥିଲା । କେତେକ ସ୍ଥାନରେ ପ୍ରଦର୍ଶନକାରୀ ରେଳ ଧାରଣା ଉପରେ ବସିଯିବାରୁ ରେଳ ଚଳାଚଳ ମଧ୍ୟ ବାଧାପ୍ରାପ୍ତ ହୋଇଥିଲା । ଉତ୍ତର ଭାରତରେ ଟ୍ରେନ୍ ରଦ୍ଦ ହେବା ସୀମାରେ ଗାଡିଗୁଡିକ ଅଟକି ରହିବା ଫଳରେ ରାସ୍ତା ଜାମ୍ ହେବାରୁ ସାଧାରଣ ଲୋକଙ୍କ ଜୀବନଯାତ୍ରା ଉପରେ ଖୁବ୍ ପ୍ରଭାବ ପଡିଥିଲା । ବନ୍ଦର ଅଧିକ ପ୍ରଭାବ ଗୁଡଗାଁଓ, ଗାଜିଆବାଦ, ନଏଡା ସହିତ ଦିଲ୍ଲୀ ଏନ୍ସିଆର୍ରେ ଦେଖାଯାଇଥିଲା । ଭାରତ ବନ୍ଦକୁ ନେଇ ଭାରତୀୟ କୃଷକ ୟୁନିୟନର ନେତା ରାକେଶ ଟିକାଏତ କହିଛନ୍ତି ଆମର ଭାରତ ବନ୍ଦ ସଫଳ ହେଲା । ଆମକୁ କୃଷକଙ୍କ ସମ୍ପୂର୍ଣ୍ଣ ସମର୍ଥନ ବି ମିଳିଲା । ଆମେ ସରକାରଙ୍କ ସହ କଥା ହେବାକୁ ପ୍ରସ୍ତୁତ ହେଲେ ସରକାର କିଛି କଥା ହେଉ ନାହାନ୍ତି ବୋଲି ଟିକାଏତ କହିଛନ୍ତି ।
