ନୂଆଦିଲ୍ଲୀ,୨୧ ।୧୨: କରୋନା ମହାମାରୀକୁ ଦୂରେଇବା ଲାଗି ଭ୍ୟାକ୍ସିନ ଏକମାତ୍ର ଉପାୟ ହୋଇଥିବା ବେଳେ ଭାରତ ବାୟୋଟେକ ଇତିମଧ୍ୟରେ ଡ୍ରଗ୍ସ ରେଗୁଲେଟରକୁ ନାକରେ ଦିଆଯାଇପାରିବା କୋଭିଡ ଟିକାର ତୃତୀୟ ଷ୍ଟେଜ ଟେଷ୍ଟ ପାଇଁ ଅନୁମତି ମାଗିଛି । ପୂର୍ବରୁ ଦୁଇଟି ଯାକ ଡୋଜ ନେଇ ସାରିଥିବା ଲୋକଙ୍କୁ ଏହା ବୁଷ୍ଟର ଡୋଜ ଭାବେ ଦିଆଯିବ ବୋଲି କମ୍ପାନୀ ଅନୁମତି ଲୋଡିଛି । ସରକାରୀ ସୂତ୍ରରୁ ସୋମବାର ଏହି ସୂଚନା ମିଳିଛି । ହାଇଦ୍ରାବାଦ ସ୍ଥିତ କମ୍ପାନୀ ଦ୍ୱାରା ବିକଶିତ କରାଯାଇଥିବା ନାଜାଲ ଭ୍ୟାକ୍ସିନକୁ ବ୍ୟବହାର ଲାଗି ଏପର୍ଯ୍ୟନ୍ତ ମଞ୍ଜୁରୀ ପ୍ରଦାନ କରାଯାଇ ନାହିଁ । ଇତିମଧ୍ୟରେ ଦେଶର ଔଷଧ ମହାନିୟନ୍ତ୍ରକ(ଡିସିଜିଆଇ)କମ୍ପାନୀ ଦ୍ୱାରା ଉତ୍ପାଦନ କରାଯାଇଥିବା ‘କୋଭାକ୍ସିନ’ ଟିକାକୁ ଉତ୍ପାଦନର ୧୨ମାସ ମଧ୍ୟରେ ବ୍ୟବହାର କରିବାକୁ ଅନୁମତି ପ୍ରଦାନ କରିଛି ।
